Священна Римска імперія (латиньскы Sacrum Romanum Imperium, нїмецькы: Heiliges Römisches Reich), з XVI ст. Священна Римска імперія нїмецькой нації (латиньскы Sacrum Romanum Imperium Nationis Germanicæ, нїмецькы: Heiliges Römisches Reich Deutscher Nation) — державна формація, яка існовала од 962. р. по 1806. р. і зъєдинёвала земли Централной Европы. В період найбівшого розквіту до складу імперії входили нїмецькы земли, якы были єй ядром, южна і середня Італія, Швейцарія, Бурґундьске королівство, Нідерланди, Белґія, Чесько, Сілезія, Елзас і Лотарінґія. Формално ся складала з трёх королівств: Нїмецька, Італії і Бурґундії.
