«Мен бір жұмбақ адаммын» оны да ойла – деп Ұлы Абай атамыз айтқандай, әрбір тұлға – жұмбақ. Сол жұмбақтың кілтін тауып, жүрек кілтін аша білу, әрбір жүректің құпия сырын оқи білу мен қалаған мамандықтың ғажайып тылсым сыры.
Бұл қандай мамандық? Болашақта қандай мамандықты таңдасам? Осы бір сұрақ өмірге келіп, сана-сезімі жетілген әрбір адамды толғандырары сөзсіз. Бір кездері мен де осы бір сұрақтың жетегінде көп ойланып, толғанып, қиялдап, өзім қалайтын, өзім сүйіп айналысатын істі таңдау жетегінде жүрдім.Ақырында осы бір сұраққа жауап та таптым. Ол әлем – психология әлемі – жан туралы ғылым.
Қазіргі заманда адамның тұтыну құралдарының дамуы артқанымен, адам бойындағы асыл қасиеттердің құндылығы азайып келе жатыр. Күн ұзағына пенделік қым-қуат тірлікпен арпалысқан адам бір сәт жабырқау тартқан жанына рухани қуат іздейді. Сол сәтте оның жағдайын түсініп, көмек қолын созатын адам психолог қана. Психологпен әңгімелесу сананы сілкіндіріп, тұнық ойлардың тұма көздерін ашары бүгінгі күні дәлелденген шындық. Тағы бір еске ұстайтын жайт бала тәрбиесіндегі психолог маманының орыны. Бүгінгі баланы еш нәрсемен қызықтыра алмайсын. Техника әлдилеген сәбилер, қазіргі балалар шынайы ойындарға құмар емес. Компьютер мен ұялы телефон балаларымыздың 4-5 жастан бастап сенімді серігіне айналды. Тоқтаусыз тіршілікпен арпалысып жүрген ата-ананың оның тәрбиесіне уақыты да, мұршасы да келе бермесі анық. Ал психолог маман бұл тұрғыда жас өскіннің жетіліп өсуіне, оның көк тіреген дараққа айналуына септігін тигізер бағбан іспеттес.
Осындай адам тағдыры ұстара жүзінде тұрған уақытта әр жүрекке мейірімділік шуағын ұялатып, адамдар арасындағы махаббат пен достықты, адалдық пен шыншылдықты, ақпейілділік пен дархандықты нығайта түсетін жан өте қажет. Сондықтан психолог мамандығы өзінің өміршеңдігін жоймақ емес. Бұл кәсіп а тіршілік етіп тұрған уақытта қай кезде де құндылығын жоғалтпайды. Кеше ғана өткен жастар жылының ашылуына арналған форумда Елбасымыз айтпақшы «Болашақта барлығын жасанды инттелект басады, тек кейбір мамандықтар ғана өз маңыздылығын жоймайды» деп, осы мамандықтар қатарында менің мамандығым ойып тұрып орын алады деп сенемін.
Ғалам біз білмейтін дүниелерге толы.
Кішкентай күнімнен аспанға қарап, күндіщз
күн мен бұлттарды, түнде жұлдыздар мен
аппақ айды тамашалап, ұзағынан қарағанды
ұнататынмын. Аспан әлемі мені ерекше
еліктіретін. "Анау тұрған дөп-дөңгелек
айдың үстіне шығып алып, жерге қараса,
біздің ғаламшар ол жерден қандай болып
көрінер екен? Бұлттан бұлтқа секіріп,
күн сәулелеріне шомылсам ғой", - деген
ойлар келетін санама. Ғарышқа, аспанға
ерекше құмар болдым. Ғарышкер болуды
армандайтынмын.
"Аспанда тіршілік бар ма екен? Бар
болса дәл күнге барып, сонда тұрар
едім", - деп ойлайтынмын. Дөңгеленген
жарқын, сәулелері нұр сыйлайтын Күннің
жалындаған от екенін ойламаппын да
ғой. Сонда туыстарым, жақсындарымды
алып барсам Күн мен Айдан үй тұрғызсақ
дейтінмін. Мұның бәрі бала қиял. Бірақ
бүгінде небір түрлі жаңалықтар ашылып,
құрылғылар пайда болуда. Бәлкім, бір
кездері Айда тұру да мүмкін болып қалар.
