"Бөрілі менің байрағым" өлеңіне кешенді сатылай талдау.
Авторы: Сүйінбай Аронұлы.
Тақырыбы:көк түркінің бөрілі байрағын,айбарлы ұранын қайта жаңғыртып,отарлық бұғаудағы санасы қалғи бастаған халқына қалқан етеді.
Идеясы:күн астында күркірей жортқан түріктердің,ғұндар мен үйсіндердің қасиетті ұранын уақыт пен кеңістіктің жойқын кедергісіне қарамай,қайта жаңғырту.
Құрылысы:5 шумақ,4-7 тармақ,24 жол,2 бунақты,8 буынды,шалыс ұйқас және аралас ұйқас.
Көркемдік ерекшелігі:эпитет (бөрілі байрақ,қызыл қан),теңеу (бөрідей), метафора (бөрі басы – ұраным,бөрілі менің байрағым),аллитерация (бөрілі байрақ астында,бөгеліп көрген жан емен) т.б.
Тәрбиелік мәні:Түркілік рухани болмысты оятуға үгіттейді.Батыр әрі қайсар,ұлтжан болуға,өз шыққан тегіңді ұмытпауға үйретеді.
Қосымша:
Бөрілі байрақ астында —
Бөгеліп көрген жан емен!
Бөрідей жортып кеткенде,
Бөлініп қалған жан емен!
Бөрілі найза ұстаса,
Түйремей кеткен жан емен!
Бөрілі байрақ құласа,
Күйремей кеткен жан емен!
Жау тисе жапан далада,
Бөрілі найза аламыз,
Қарасайлап шабамыз,
Қызыл қанға батамыз.
Бөрілі байрақ астында,
Ту түсіріп, жау алған,
Қазыбек, Қастек атамыз.
Бөрілі байрақ көтерсе,
Жоқты жонып табамыз.
Бөрілі байрақ астында:
Ту түсіріп, жау алған
Шапырашты батыр бабамыз.
Бөрі басы — ұраным,
Бөрілі менің байрағым.
Бөрілі байрақ көтерсе,
Қозып кетер қайдағым!
Қарқаралы таулары - ең көрікті жерлердің бірі. Кербез де, сұлу бұл тау Қарағанды облысындағы Қарқаралы ұлттық паркінің аумағында орналасқан. Жалпы аумағы 12 гектардан асады. Бұл паркте таулар тізбегінен бөлек, ағаштың сан түрі өседі, өзен-көлдер мен үңгірлер де бар. Онда сүтқоректілердің 40 және құстардың 114 түрі мекендейді. Қарқаралы тауларының айналасы ұсақ шоқылы, төбелі, жоталы таулар мен биік шоқылардан тұрады. Қазақстанның ортасында орналасқан тау тізбегіне жыл сайын 20 мыңға жуық туристтер келеді.
