Менің сүйікті пәнім Мен үшінші сыныпта оқимын. Маған барлық пәнде ұнайды. Менің сабақ үлгерімім өте жақсы. Пәндердің ішінде, әсіресе, математиканы қатты ұнатам. Мектепшілік математика олимпиадасына қатысып жүлделі бірінші орын алдым. Математика сабағында үш таңбалы сандарды ауызша шығаруға үйрендім. Сабақта үнемі логикалық тапсырмаларды орындаймыз. Топпен жарысып есеп шығарамыз.Балдырған журналында берілген математикалық тапсырмаларды қызыға орындаймын. Математика сабағында біз бір-бірімізге көмек береміз. Қоңырау кезінде ыстық орындық ойынын ойнаймыз көбейту кестесін сұрап. Математика пәні барлығына ұнайды деп ойлаймын. Менің сүйікті пәнім математика.
«Су – тіршілік көзі» тақырыбына диалог құрастыру.
Еркебұлан: Санжар, сен «су – тіршілік көзі» деген сөздерді қалай түсінесің?
Санжар: Сусыз тіршілік болмайды, яғни тіршілік үшін судың маңызы аса зор. Суға бар тіршілік тәуелді ғой.
Еркебұлан: Дұрыс айтасың. Су күнделікті тұрмыстың ажырамас бөлігіне айналған. Су адамның шөлін қандыру немесе тұрмыстық қажеттілігінен басқа да жайларға пайдаға асады екен осы туралы естуің бар ма?
Санжар: Жоқ, судың сонда басқа да қасиеттері бар ма екен? Естімеппін.
Еркебұлан: Ия, кезекті бақылау жұмысына дайындалып отырып өте қызықты мәліметтерге тап болдым. Жапон ғалымы Масару Эмото бірнеше жыл бойы судың қасиетін зерттеген екен. Зерттеу барысында ол тазартылған суды бір ыдысқа құйып, сол судың жанына адамдар келіп «махаббат», «періште», «рақмет», «бейбітшілік» деген сияқты жақсы сөздер айтқан. Ғалым осы суды қатырып, суретке түсірген кезде кристалдары керемет әдемі, үйлесімді болып шыққанын байқаған. Ал дәл осы суға «ыза», «соғыс», «қан», «өлім» сияқты жағымсыз сөздер айтқан кезде кристалдары мүлде басқа, бей-берекет, көмескі, қара лай болып шыққанын көріпті.
Санжар: Өте қызық екен. Мен мұны бірінше рет естіп тұрмын.
Еркебұлан: Соеымен қатар, судың түрлі емдік қасиеттері де бар екен. Мысалға:
1. Иммунитет жүйесін құрайтын жілік майының түрлі ауруға қарсылығын күшейтеді.
2. Су – азық, дәрумен және минералдардың негізгі еріткіші.
3. Су азық құрамындағы керекті элементтердің ағзаға сіңуін арттырады.
Санжар: Пайдалы ақпаратпен бөліскенің үшін көп рахмет! Енді біліп жүремін!
