Орта азия халықтарында бұл мереке ғасырлар бойы тойланып келеді
Әр түрлі өзгерістерге ұшыраған Парсының 《нау》сөзінің мағынасы көп елдің тілінде сақталған
бұл мереке Шығыс күнтізбесі бойынша ирандықтардың жаңа жылы 《Навруз》мерекесіне жақын
«Біраз сөз қазақтың қайдан шыққаны туралы» жазбасында ұлы ақын Абай Қазақтардың Наурызды тойлау тарихын, көшпенді халықтардың тарихына ұқсатады
Наурыз мерекесін Шығыс халықтарының қалай тойлағаны жайлы мәліметтер өте көп
Болашақты жаңа өсіп шыққан жеті дәнге қарап болжаған
Күн символын үйлерінің қабырғасына дөңгелек ою ретінде салған
Наурыз көже Наурыздың басты тағамы жайлы деректер өте көп
Наурыз мерекесі 1988 жылдан бері Қазақстанда қайта жаңғырып, ел жұрт болып тойланып жатыр
Наурыз мерекесі қаншама ғасырлық парасат пен еңбектің нәтижесінде қалыптасып, халықтың жарқын болашағының кепілі болып қала береді
Жазылым;
Толағай" - халық аңызы. Шығыс Қазақстан облысы Тарбағатай ауданындағы тау атауына байланысты аңызда бұрынғы өткен заманда, үлкен өзен бойында Саржан деген аңшы өмір сүргендігі, жылдар жылжып, күндер өткенде оның әйелі Айсұлу өмірге ұл әкелгендігі, қуанған әкешеше дүбірлетіп той өткізіп, балаға Толағай деген ат қойғандығы айтылады. Ертегі желісіндегідей сюжеттер бой көрсетіп, Толағай ай санап емес, күн санап өседі. Төрт жасында нағыз батырға айналып, жетіге келгенде белдесуге шақ адам табылмайды. Әкесімен бірге аңға шығып, атақты аңшыға айналады. Бірде олардың мекеніне жұт келеді. Жауын жаумай, қуаңшылық болады. Шөлден мал қырылып, адам өледі. Күннің ыстығынан киіз үй- ді паналап, анасымен әңгімелесіп, Толағай одан жаңбырлы жерді сұрайды. Анасы қиыр шетте өткен жастығын еске алып, ешқашан құрғақшылықты білмейтін, шөбі шүйгін мекеннің бар екенін айтады, таулары аспан тіреген жер жаннаты Тарбағатай жайлы ұзақ әңгімелейді. Ол көп жүріп шыңдарын қар басқан асқар тауларды тауып алады, оған биік тоғайлы, құстары сайрап, төбесін бұлт жапқан бір ғана тау ұнайды. Ол осы тауды құшағына алып, қатты ырғайды да арқасына салып, кері еліне қарай қайтады. Ол шаршамай ұзақ жүреді. Халық жылжып келе жатқан үлкен тауды көреді. Оны көтеріп келе жатқан Толағай екенін біледі. Найзағай ойнап, күн күркіреп, жауын селде- теді. Халық "Толағай" деп ұрандап, қуанышпен қарсы алады. Қуарған шөп көтеріліп, жан-жануар мөңіреп- азынап шулайды. Шаршаған батыр тау астынан шыға алмай "Апа!" деген жалғыз ауыз сөзге ғана шамасы келеді де, мәңгіге тау астында қалады. Бақытты ана айғайлы жылауға басады, халық қайғы жамылып, тау да бұған шыдай алмай көзінен жас бұлақ болып ағады. Содан бері бұл тау "Толағай" деп аталады.
