Астананың көрікті жерлері
Астана-әлемдегі ең жас қалалардың бірі. Жылдан жылға құрылысы қарқынды дамыған қала көрікті жерлерге толы. Соңғы жылдары қалаға туристік сапарлар мен келетін шетелдіктер көбейген. Оған елімізде өткен ЭКСПО көрмесінің де ықпалы көп. Әлемнің 55 елінен келген қонақтар елімізге жоғары баға беріп кетті.
Сонымен, Астанаға келген қонақтар қаланың қай жерлеріне барған дұрыс, Астананың көрікті жерлері қандай?
Бейтерек – Астанадағы ерекше құрылыстардың бірі. Биіктіктігі 97 метр болады. Бас қалаға барған кез келген қазақстандық тұрғын «Астана-Бәйтерек» кешеніне баруға тырысады.
«Бәйтерек» монументі металл, әйнек және бетоннан тұрғызылған. Астананың нышанына айналған алып шардың диаметрі - 22 метр болса, салмағы - 300 тонна. «Хамелеон» әйнектерінен салынған құрылыс алыстан көз тартады.
Ғимараттың жоғарысына жедел саты арқылы көтерілуге болады. Оның жоғарғы қабатындағы үлкен зал арқылы қаланың көп жеріне көз жеткізесіз. Астана қаласы алғаш тұрғызылған жылы «Бәйтерек» кешенінен қаланың барылығы көрінетін және нышан қаладағы биік ғимараттардың бірі болды. Қазір жас қалада одан бірнеше есе биік ғимарттар пайда болды.
Залдың қақ ортасында әлемдік дін өкілдері қол қойған 17 жапырақты ағаш глобус бар. Қазақ елінің бейбітшілік нышанына айналған «Аялы алақан» да осы жерде. Ол жерден тұңғыш президенттің қолтаңбасын көруімізге болады. Жоба сәулетшісі - Норман Фостер.
«Хан-шатыр» сауда және ойын-сауық орталығы
Орталық әлемге танымал сәулетші Нороман Фостердің туындысы. Ғимарат салмағы 2300 тонна болатын металл қондырғыдан тұрғызылған. Шатыр биіктігі 150 метр. Орталықтағы арнайы қондырғылар ішкі температураны бірқалыпты сақтайды. Алты қабатты сауда орталығына Астанаға келген қонақтар жиі барады.
«Думан» ойын-сауық кешені
Қаладағы үлкен демалыс орындарының бірі – Думан ойын-сауық кешені. Орталықтың ерекшелігі онда үлкен 11 океанарум мен кинозал бар. Океанарум қалыңдығы жеті сантиметрге жетеді және 70 метрлік дәлізге созылып жатыр. Су қоры 3 миллион литрге жететін шағын мұхитаралдан теңіз жәніктерін де көруге болады.
Кешен 2003 жылдың мамыр айынан бастап жұмыс жасайды.
Орталықтың күмбезді залынан Қожа Ахмет Яссауи кесенесін, Ұлы Қытай қабырғасы, Галикарнас кесенесі, Бостандық ескерткішінің үлгісін көруге болады.
Халық арасында «пирамида» аталып кеткен Бейбітшілік және Келісім сарайы Әлемдік және дәстүрлі діндер құрылтайын өткізу үшін арнайы салынған.
Уақыттың бар болуы – барлық оқиғаның бір мезетте болмайтындығымен тікелей байланысты» деп Альберт Эйнштейн айтып кеткен. Уақытты әр адам денсаулығына, жасына, көңіл-күйіне, қызметіне байланысты әр түрлі өткізеді және әрқалай қабылдайды. Адам есейген сайын, уақыты зымырап өтіп жатқандай көрінеді. Уақыт адам жайбарақат күйде болғанда тез өтіп жатқандай болғанымен, асыққанда өте жылдам, ал кей кезде бір нәрседен қорыққанда немесе бір нәрсені күткенде уақыт өтпей қояды, тоқтап қалғандай сезінесің. Отырыста, жұмыста жаныңда көңілді адамдар болып, олармен сөйлесіп отырсаң, уақытың сәтті әрі тез өтетін секілді, ал мағынасыз көп сөйлейтін адаммен уақытың жәй өтетінін байқайсыз. Осы кезге дейін уақытқа ғылымда анықтама берілмегенмен, уақытты үнемді пайдаланатын адамның өзі секілді. Француз зерттеушісі Мишель Сифр 1960 жылы тәжірибе жасайды. Ол күн көзі көрінбейтін, жарығы мен сағаты жоқ үңгірге кіріп екі ай өмір сүріп көрген. Нәтижесінде, 4-5 сағат болмаса, әдеттегі 24 сағаттан жаңылмаған. Яғни, уақыттың ақырын немесе жылдам өтуі тек өзіңізге байланысты. Әрдайым жаныңызға жақсы адамдарды жинап, уақытты тиімді пайдалана біліңіз деген қорытындыға келеді.
Бүгінгі технологияның көптігі – уақытты дұрыс пайдалануға кедергі келтіруде. Әйтпесе, бұрынғы 24 сағат уақытпен қазір де өмір сүрудеміз. Уақытты жоғалтпас үшін адам әрбір күнін жоспарлағаны дұрыс. Қарап тұрсаңыз, бүгінгі заманымыз өткен ғасырмен салыстырғанда айтарлықтай жеңілдеді. Кезекке тұрмай-ақ, терминал арқылы коммуналдық төлем жасаймыз, ғаламтор арқылы сауда жасауға мүмкіндік туды. Техника жоқ кезде қажет дүниенің бәріне өз аяғымызбен бардық қой. Бір жерге бірнеше рет баратынбыз. Бірақ, сол кезде уақыт жеткілікті еді. Қазір көп уақытымызды осы компьютер, ғаламторға жіберіп алудамыз. Адамдардың техникаға тәуелділігі артып барады. Ғаламторға телміріп көп уақыт өткізіп шаршайсың. Содан соң физиологиялық-психологиялық тұрғыдан шаршап, көп уақыт бойы өзіне-өзі келе алмай да жүреді. Бірақ, өкінішке орай, бұл уақытты олар бос уақыт деп есептемейді.
