"Дәріханада" тақырыбында диалог.
– Сәлеметсіз бе?
– Сәлеметсіз,маған нурофен,тамақ ауруына және температура түсіретін дәрі бере аласыз ба?
– Өзіңізге ме?
– Ия,өзіме.
– Олай болса тамақ ауруына сізге Стрепсилс алуға кеңес беремін.Температура және тұмаудың алдын алатын дәрілерден Колдрекс,Тера-Флю,Фервексті тұтынуға болады.
– Маған онда Стрепсилс лимон дәмімен және Колдрекс берсеңіз.
– Жарайды,Нурофен... Стрепсилс,Колдрекс...Барлығы 2520 тг болады.
– Мінеки.
– Саудаңыз үшін рахмет.Сауығып кетіңіз.
– Рахмет.
- Ардақ, мені сурет көрмесіне шақырғаныңа рақметімді айтқым келіп тұр. Қалайша суреттерді тамашалау арқылы рақаттануға болатынын білмегенмін?
- Оқасы жоқ. Сәуле, қазір қазақта айы оңынан туған, есімдері ел аузына ілігіп жүрген төл суретшілеріміз аз емес. Бүгінгі көрме де соның айғағы іспеттес.
- Қандай керемет!
- Әбілхан Қастеев туралы естіген боларсың? Келесі жолы мен сол мұражайға алып барамын.
- Өте жақсы болар еді. Ол кісінің жұмыстарымен жеке танысуға еш мүмкіндік болмапты.
- Жалпы, Әбілхан Қастеев - Қазақстанның кәсіпқой суретшілерінің алғашқы толқынының өкілі, Қазақстанның Халық суретшісі. Қазақ халқының мәдени мұрасы мен рухани дәстүрі негіз болған тарихи сурет, пейзаж, портрет жанрларында жұмыс істей отырып, оларды өз дүниетанымымен ұштастыра отырып дамыта білді. А. Иманов, Ш. Уәлиханов, Абай, Жамбыл портреттері өзінің қайсарлығы мен талантының арқасында халқының мақтанышы болған адамдардың биік рухани бейнесін көрсететін туындылар.
- Керемет! Мен келесі аптаның бір күніне мұражайға билет алайын. Міндетті түрде бірге барайық, жарай ма?
- Әрине, барамыз. Ал, қазір, жүр, мына жақтағы суреттерді тамашалайық.
