Көп нүктенің орнына тиісті сөзді қой ​

Алматы - әсем қала

Алматы - Адатаудың баурайында жатқан ғажайып қала. Оның көркіне көз тоймайды. Тамаша табиғаты аспанмен таласқан заңғар тауларымен, сарқырап аққан өзен-суларымен, көк майса, жасыл желегімен, нарттай алмасымен ерекше. Ал жылдан жылға саны артып жатқан зәулім ғимараттардың құрылысы мен көркін сөзбен айтып жеткізгісіз.

Әлемге дәмі тіл үйірер портымен танымал Алматының басты көрікті орындары - Медеу мұзайдыны, Шымбұлақ курорты, Көктөбені айтуға болады. Оларды тамашалап, өз көзімен көріп, табиғатына тамсану үшін әлемнің түкпір-түкпірінен жылына мыңдаған туристер келеді. Ал қаламыздағы Тұңғыш Президент саябағы, орталық цирк, Горький саябағы, орталық мұражай, Әуезов атындағы театр, Абай атындағы опера және балет театры сынды мәдениет орындары - халық көп баратын орындар.

Халық демалу үшін жиі баратын Көктөбеден Алматы алақандағыдай көрінеді. Ол жерден қаланың ғаламат көрінісін, ерекше сәулетін тамашалай аласыз.

Қалада.

Менің ағам мен жеңгем қалада тұрады. Демалыс уақытында мен үнемі қалаға қыдырып, демалуға барамын. Үлкен қала болғандықтан, қашанда көлік қозғалысы көп болады.

Қалада қыдырған маған ұнайды, себебі онда неше түрлі саябақтар, көрмелер, мұражайлар көп. Барған сайын міндетті түрде мұражай немесе көрмеге барып қайтамын. Сонымен қатар маған қаладағы үлкен сауда орталықтары ұнайды - онда киім - кешектен бастап ойыншыққа дейін бәрін сатып алуға болады. Дүкен аралап жүргенде қарның ашып, шаршасаң, тамақтанып демалып алуға болады.

Дегенмен, менің тұратын ауылым өзіме ыстық!