ОҚЫЛЫМ Мәтінді мұқият оқып, тапсырмаларды орындаңыз.
Қазақстан Республикасында 130-дан астам ұлттың өкілдері тұрады. Қазақстанда орыс, дүнген, неміс, татар, ұйғыр, кәріс, түрік, қытай, өзбек, украин және тағы да басқа ұлттар тату-тәтті өмір сүріп жатыр. Қазақ халқы елімізде тұрып жатқан жүзден астам ұлт өкілдерін құшақ жая қарсы алады. Олардың қазақ жеріне қоныстанып,өмір сүруіне жағдай жасады.
Қазақстан –түрлі ұлт өкілдерінің басын қосқан ұлы мекен. Қазақ халқы тарихтың түрлі кезеңдерінде басқа ұлт өкілдерін ерекше ықыласпен бауырына басты. Олардың салт-дәстүрі,тілі мен мәдениеті жоғалмас үшін қолайлы жағдай жасады. Соның нәтижесінде ұлан-байтақ қазақ жерінде барлық ұлттың өкілдері бір атаның балаларындай ынтымақтастықта өмір сүріп келеді. Қазақстан бүгінде ұлттар мен ұлыстар мекендеген достық пен туысқандықтың, ынтымақ пен ырыстың ордасына айналды. Елбасы Н.Ә.Назарбаев жаңа әлемдегі жаңа Қазақстанның бейбітшілік мекені болуы керектігін міндет етіп қойды.

1-тапсырма. Мәтін мазмұны бойынша сұрақтарға жауап беріңіз.

1.Қазақстан Республикасында қанша ұлт өкілдері тұрады?

2.Қандай ұлт өкілдері тату-тәтті өмір сүріп жатыр?

3.Қазақстан қандай мекен?
4.Қазақстан олар үшін қандай қолайлы жағдай жасады?

5.Қазақ жерінде барлық ұлт өкілдері қалай өмір сүріп жатыр?

6. Елбасы Н.Ә.Назарбаев нені міндет етіп қойды?

[6]
ЖАЗЫЛЫМ
2-тапсырма. Эссе құрылымын сақтай отырып, табиғатты сипаттап,
«Туған жерімнің табиғаты» тақырыбында эссе жазыңыз(45-50 сөз).