Қыс мезгілі де келіп жетті. Айнала ақ ұлпа қарға оранып, аппақ болып жатыр. Қыс мезгілінде аяз болғанымен, бұл балалар үшін өте қызық мезгіл. Себебі, балалар қыста шаңғы мен коньки теуіп, төбешіктен шанаға мініп сырғанайды. Енді кейбіреулері қардан аққала жасап, басқалары қар лактырысып ойнайды. Қыс мезгілі сонымен қатар барша адам тағаттана күтетін Жаңа жыл мерекесімен ерекшеленеді. Жаңа жыл алдында оқушылар кезекті демалысқа шығып, армансыз ойнап, біраз тынығады. Жаңа жыл қарсаңында біз тұратын Қарағанды облысының аймағында ауа температурасы күрт төмендеп, боран болатыны хабарланып жатты. Боранды күндері мектеп оқушыларының сабақтары оқытылмай, жоспарланбаған демалыс күндері жарияланады. Қыстың нағыз қаталдығын көрсететін табиғи дүлей күштің бірі – осы боран. Қарды бұрқыратып, ұйытқып соғатын күшті жел ретінде танылатын боранды қазақ халқы оның дүлей күшіне қарай, ашуына қарай, бағытына қарай, уақытына қарай, ұзақтығына қарай түрліше атайды. Осындай аязды, ақ боран күндердің бірінде қысқы жайылымдағы малдар адасып, кешкісін олардың санына жете алмай қалдық. Адасқан малдың соңынан іздеп атам кетіп еді, ол кісі де біразға дейін оралмай, үй ішімізбен алаңдап отырдық. Әкем «енді мен де іздеу салып келемін» деп отырғанда, есіктен атам кіріп келгенде, қуанышымызда шек болмады.
надеюсь ты получишь 5 :3
Объяснение:
