Қазақ тілінің болашағы.
Тіл – баға жетпес ұлттық құндылықтардың бірі.Әрбір ұлт үшін тіл – елдігінің айғағы,ана сүтімен бойға дарыған қазына.“Тіл – қылыштан да өткір” демекші,тарихымыздағы жүздеген соғыстар мен жаулардан осы бай тіліміз арқылы жеңіске жеттік десек те болады.
Тәуелсіздігімізден бұрын қазақ тілі – мемлекеттік тіл деп саналғаны белгілі.Осы қазақ тілінде сөйлеп,еркін өмір сүре аламыз.Өткеніміздің қандай болғанын білгеніміз ең,келешегіміз бұлыңғыр емес пе? Сондықтан да осы асыл қазынамыздың құлдырап кетпеуі үшін жан аямай жұмыла еңбек ету керек.Бауыржан Момышұлының: «Өз тіліңнің сұлулығын сезінбей, өзге тілдің сұлулығын сезіну екі талай», – деп өз даналығын айтқандай,өзге тілді үйрену керек,өз тіліміз неге керек деп ойламауымыз керек.Әрине,көп тіл білген жақсы.Алайда өз тіліңнің қадірін ұмытпауың керек.Керісінше оның жан-жақты дамуына,өркендеуіне ат салысу керек қой.Сөз арасын өзге тілдегі сөздермен шұбарламай,таза сөйлей білу керек.Орыспен орысша сөйлес,ағылшынмен ағылшынша сөйлес,бірақ қазақ пен қазақтың өзге тілде сөйлеп тұрғаны еріксіз қынжылтады.
Елбасымыз Нұрсұлтан Әбішұлы Назарбаевтың жолдауымен латын әліпбиіне көшу туралы бастамалар жасалынуда.Әрине,бұның бәрі қазақ тілінің гүлденуі үшін,әлем аренасында ойып тұрып орын алуы үшін жасалынып жатқан шаралар деп білемін.
Әнші құм
Қазақстанның кең байтақ дархан даласы әлі күнге дейін толық зерттелмеген, сыры ашылмаған құпияларға толы. Кең байтақ жеріміздің аумағында табиғаттың көз тартар небір құбылыстары мен қайталанбас өзіне тән ерекшеліктері бар. Солардың бірі «әнші құм» (кейбір деректерде Айғай құм) – Алматы облысы Кербұлақ ауданы жеріндегі Іле өзенінің аңғарын бойлай орналасқан Үлкен Қалқан тауы және Кіші Қалқан тауы етегіндегі құмды төбе, Алматы қаласынан 250 шақырым қашықтықта орналасқан. Биіктігі 150 м-дей, ұзындығы 8 км, ені 3 км-ге дейін жетеді. Қалқан тауларынан соғатын желдің бағыты үнемі өзгеріп отыруы нәтижесінде құм түйіршіктері електеніп, бірегей құм қо тұратын төбеге айналған.
«Алтынемел» мемлекеттік ұлттық табиғи паркі «Айғай құм немесе Әнші құм» атты құмды төбені өз қамқорлығына алған. Кейбір деректерге сүйенсек, «Алтынемел» ұлттық қорығы кезінде Шоқан Уәлихановтың Қашқарияға сапарында пана болған деседі.
Ал енді бұл өңір неліктен «әнші құм» атанып кетті екен? Осыған тоқталып көрейік. Бұл құмның бір ерекшелігі – құрғақ күндері әуенді дыбыстар шығарады. Оның әуені бірнеше шақырымдарға жайылып, алыстан да естіліп тұрады.
Кейбір пікірлерге сүйенсек, құмның ұсақ бөлшектері бір-біріне үйкелген кезде осындай әуенді дыбыстар шығады екен: жеңіл самал жел шиқылдаған дыбыстар шығарса, қатты жел орган дыбысына ұқсас әуен шығарады. Алайда, желсіз күнде де құмның әуенін тыңдауға болады. Осы сиқырына байланысты, құм жайында көптеген аңыздар пайда болған. Құмның тағы бір ерекшелігі – ол басқа құмдар сияқты орнын ауыстырып, көшіп жүрмейді, керісінше, мыңдаған жылдар бойы Алтынемел аумағында, бір орында тұр.
Осындай табиғи ерекшелік әлемнің басқа жерінде жоқ деп айтсақ та болатын шығар. Тіпті кезінде Ұлы Жібек жолы бойында орналасқан бұл табиғат ескерткішіне жолаушылар әдейілеп ат басын бұрған деседі.
