Лагерьдегі жазғы демалыс.
Көптен күткен жаз мезгілімен қоса жазғы демалыс та келіп жетті. Төрт тоқсан бойы сабақ оқыған мектеп оқушылары асығыспен күтетін бұл мезгіл небір қызықты оқиғаларға толы болады ғой. Мен биылғы оқу жылын үздік бағамен аяқтағаным үшін ата – анам маған сыйлық ретінде Көкшетау өңірі, атап өткенде Көкше өлкесіндегі ғажайып мекен – Бурабайда орналасқан балалар лагеріне жолдама алып берген болатын. Бұл алғашқы лагерьге сапарымды асыға күттім, себебі Бурабай – мемлекеттік ұлттық табиғи саябағы, бұл өңірді ел арасында «Қазақстандық Швейцария» деп те атайды. Оның бірнеше себебі бар, ең алдымен бұл мекеннің әсем табиғатын сөзбен суреттеп жеткізуге мүмкін емес. Бурабай табиғаты көз тартар сұлулығымен, ауасының тазалығымен тартымды. Биік таулар, көгілдір көлдер, қарағай мен қайың ағаштары өлкенің сәнін кіргізеді. Жыл сайын бұл жерге Қазақстанның түкпір-түкпірінен, сондай-ақ, алыс және жақын шетелден демалушылар келеді. Бурабайдың балшығы мен минералды суы емдік қасиетке бай.
Лагерьге аман – есен жеткен соң, балалар жас ерекшеліктеріне сай орналастырылды. Орналасып болғаннан соң тәрбиешілер лагерь ережелерімен таныстырып өтті. Лагерьде демалудың өзіндік ерекшеліктері мен жақсы жақтары көп екен. Маған ұнағаны - бұл тәртіп мен достыққа үйрену. Демалысымыз қызықты өту үшін тәрбиешілерімз түрлі жарыстар, сайыстар өткізіп тұрды. Сонымен қатар табиғат аясына саяхатқа шығып, көлге суға түстік. Демалыс ерекше ұмытылмас әсер қалдырды. Көптеген жаңа дос тауып, демалысымды өте жақсы өткіздім.
7-тапсырма.
Есімше тұлғалы сөздер: саналған, дайындаған, пайдаланған, қалыптаскан, әзірлеген, санаған,
жасаған.
МәтінҚазақ халқы үшін дастарған киелі саналған. Халқымыздың дастарқанындағы тағамдары сан
ғасырлық көшпелі дәстүрдің және кейінгі жылдардағы отырықшылықтың тигізген әсері
негізінде қалыптасқан. Мал етінен бөртпе, қимай, қуырдақ, сірне сияқты тағамдар
дайындаған. Төрттүліктің сүтін тек сусын ретінде пайдаланған деуге болмайды, себебі, одан
қатық, сүзбе, құрт, ірімшік, ежігей сияқты алуан түрлі тағамдар әзірлеген. Ал астық
дақылдарының бауырсақ, шелпектен бастап, түрлі тағам түрлерін жасаған. «Ат адамның
қанаты, ас адамның қуаты" деген мақалдан-ақ қазақ халқы неліктен тағамды және
дастарғанды киелі санағандығын, оны қастерпегенін байқауымызға болады.
