Менің сүйікті әлеуметтік желім.
Қазіргі ғылым мен техниканың күн өткен сайын қарыштап дамып келе жатқан заманында адам өмірін компьютерсіз, атап айтқанда ғаламторсыз елестету қиын. Ғаламтор өміріміздің барлық саласына еніп, бізді өзіне тәуелді етті десек те болады.
Қазір кішкене баладан бастап еңкейген қартқа дейін әлеуметтік желі қолданушысы. Мен де әлеуметтік желі қолданушысымын. Менің сүйіктім желім - Инстаграм. Инстаграм желісінде мен тек достарымның, туған - туыстарымның, спортшылар мен жұлдыздардың суреттерін көріп қана қоймай, сонымен қатар түрлі бейнебаяндар көремін және тегін марафондарға қатысамын. Жақында ғана бір апталық ағылшын тілінен "Ұялмай сөйлеп үйренеміз" атты марафонға қатысып, ырза болдым.
Сонымен қатар ағам шетелде білім алатындықтан, оның Инстаграм парақшасын тұрақты түрде қарап, жүктеген суреттерін көріп, өзімізде шетелде жүргендей күй кешеміз.
Бос уақытымның барлығын әлеуметтік желіде өткізбеймін, ата - анам ғаламторға шектеулі уақыт беретіндіктен оны тиімді әрі өзіме пайдалы жағынан қолдануға тырысамын. Келер аптада білікті дәрігер, диетолог маман өткізетін дұрыс тамақтану бойынша онлайн семинарға да жазылып қойдым. Ал сіз қай әлеуметтік желінің қолданушысыз?
