Объяснение:
Театр-мәдениет ошағы,өнер ордасы.Әр елдің мәдениетін театрына қарап тануға болады. Елімізде 20жуық театрлар бар.Театрға барған адам рухани ләззәт алып,адам жанын жадыратып,демалу үшін барады.Көріністі театрға барып өз көзіңмен көру дегеніңіз-рухани жаныңызға азық жинау деген сөз.Театрға барғанда театр мәдениетін білуіңіз керек.Киіміңіздің өзі театрға сай әдемі,отырғаныңызда жайлы болған жөн.Спорт,жұмыс киімімен театрға баруға болмайды.Театр қойылымына кешікпей не ерте барған жөн.Театрда айқайлап сөйлеуге,күлуге,телефонмен сөйлесуге болмайды.Театрға келген соң өнерді,сахнаны сыйлап өзіңізді мәдениетті ұстауыңыз керек.Театрда "Қыз Жібек",Ақан сері-Ақтоқты,Біржан мен Сара спектакльдерін көруге болады.Жас бүлдіршіндерге арнап ертегілер көрінісі қойылады.Бүлдіршіндер қызыға көреді.Ұлтымыз ұлы болсын десек әдебиетіміз бен өнерімізді ұлылыққа көтерелік.
Ыбырайдың адамгершілік жайында, оқу-ағарту тақырыбы төңірегіндегі шығармаларынан өзге табиғатты жырлаған «Жаз» және «Өзен» деген өлеңдері бар. Бұл шығармаларды Ыбырайдың ақындық қуатын танытатын өлеңдер деп атасақ қателеспегендік болар еді. «Жаз» өлеңінде ақын табиғат пен жан-жануар, адам өмірін өзара астастыра суреттейді. Ыбырайға дейінгі поэзияда дәл осындай бірыңғай табиғатты сипаттау болмаған десек, бұл туындының әдебиетімізден алар орны мен мәні айқындала түсетіні анық. Бұл салада Ыбырай тыңнан жол салып қана қоймай, көшпелі қазақ өмірінің тыныс-тіршілігі мен жанды көріністерін қаз-қалпында танытады. Өлеңнің «Сәуірде» деп басталуына қарағанда, бұл шығарма алты ай жаздың алғашқы кезеңдеріне арналғандай. Сол кездегі елдің жайлауға көшіп шыққан мезетін, қыстан қысылып шыққан жұрттың қуанышқа кенелген көңіл күйін, табиғатпен қайта табысып, мал төлдеп, ақ көбейіп, тойынатын уақытын табиғаттың маужыраған мейірімді сәтімен, әсем суреттерімен ұштастыра суреттейді. Табиғаттың төрт мезгілі жөнінде дәл осындай суретпен жыр жазған Абай мен Ыбырайдың осы тақырыптық бірлігі мен жазу ұқсастықтарын саралаған Мұхтар Әуезов: «Екеуінің қазақ ауылындағы көктем жайында жазғандарын оқып отырсаңыз, шынында бір ақындық мектептің, бір түрлі ақындық дәстүрдің үлгісін көресіз және екеуі де бұрын қазақ жазбаған өлеңді жазған» деп ой тұжырған.
