Сөзжұмбақ
Тігінен:
Гүлбадан - Абайдың қыз баласы
Шәке - Абайдың шәкірті, ағасының баласы
Жиренше - Абайдың жолдасы, би, шешен, екінші рет үйленуіне көмектескен адам.
Оспан – Абайдың інісі
Қарашаш – Абайдың алғашқы махаббаты болған қыздың жеңгесі.
Шүкіман – Абайдың сүйген жарының шын аты.
Құнанбай – Абайдың әкесі.
Зере – Абайдың әжесі.
Ізғұтты – Құнанбайдың жиен інісі, ең сенімді адамдарының бірі.
Әйгерім – Абайдың сүйген жары, екінші әйелі.
Ділдә – Абайдың бәйбішесі.
Нұрғаным – Құананбайдың төртінші әйелі.
Тұраш – Абайдың сүйікті әйелінен туған бала.
Ақылбай – Құнанбай мен кіші әйелінің тәрбиесінде өскен Абайдың баласы.
Абай – қазақтың ұлы ақыны.
Тобықты - Абайдың руы.
Көлденеңінен:
Күңке - Құнанбайдың бәйбішесі.
Тәкежан – Абайдың ағасы.
Ербол – Абайдың жан досы.
Тоғжан – Абайдың бойында алғашқы махаббат сезімін оятқан ару.
Бөкей – Абайдың сүйікті әйелінің әкесі.
Ұлжан – Абайдың шешесі.
Құдайберді – Құнанбайдың бәйбішесінен туған Абайдың жақсы көретін ағасы.
Алшынбай – Абайдың бәйбішесінің әкесі.
Мағауия – Абайдың баласы.
Әбдірахман - Абайдың баласы.
Қаражан – Абайдың жеңгесі.
Айқыз - Құнанбайдың үшінші әйелі.
Салтанат – Абайдың сүйікті әйелінің біраз уақыт Абайға көңілі суып жүруіне себеп болған қыздың аты.
Менің сүйікті тағамым
«Ас адамның арқауы» демекші, дәмді тағам ішкенді бәрі де ұнатады. Бірақ әркімнің сүйсініп жейтін тағамдары болады. Мысалға, мен ет тағамдарын жақсы көремін, әсіресе, ұлттық тағамымыз етті сүйсініп жеймін. Анам мерекелік күндер мен туған күндерге үнемі ет асып, үлкен дастарқан жаяды, бұл біздің отбасылық дәстүріміз десем де болады. Әдетте, қамырды анам қолдан жайып, сорпаға етпен бірге картоп пен сәбіз салып пісіреді. Ал тұздығына пияз бен сәбіз қосып дайындаған ұнайды.
Дегенмен ет асып, табақ тартқанның да ежелден келе жатқан өзіндік мән – мағынасы бар, соған тоқтала кетсем.
Ет - халқымыздың аса қадірлі қонаққа ұсынылатын кәделі тағамы. Сыйлы қонақтарға қойдың басын немесе ірі қараның шекесін, табақ - табақ ет тартады. Әр адамның жасы мен дәрежесіне сай түрлі мүшелер тартылады. Осыған орай табақ тарту – бас табақ, сый табақ, күйеу табақ, келін табағы, жастар табағы, жай табақ болып бөлінеді. Осы табақтарға сай ет (сүйек) мүшелері болады. Ол мүшелерді ауыстыруға болмайды. Бас табаққа бас, жамбас, омыртқа, қазы, қарта, жал, жая сияқты кәделі мүшелер салынады. Іліктік қатынасқа қарай: қарттарға жамбас, орта жастағыларға ортан жілік, омыртқа, күйеу мен қыздарға асықты жілік, төс, тағы сол сияқты рет-ретімен беріледі. Мойын омыртқа, тоқпан жілік, ірі малдың жамбасының шұқыршағы, жауырын, сирақ қонақтарға тартылмайды.
Ет тағамдарына сонымен қатар қуырдақ, сірне, жаубүйрек, борша, қарын бөртпе, әсіп, жөргем, қимай, ми палау жатады.
Ал соғым сойылып жатқан кезде дайындалатын қуырдақтың дәмін айтсаңызшы, тіл үйіреді...
