- Сенің сүйікті пәндерің қандай?
- Қазақ тілі, ағылшын тілі және география.
- Сен қандай үйірмелерге қатысасың?
- Мен аптасына екі рет домбыра үйірмесіне және екі рет ағылшын тілі үйірмесіне барамын.
- Сенің сүйікті ісің бар ма?
- Иә, мен бос уақытымда сурет салғанды ұнатамын.
- Биылғы жазғы демалысыңды қайда өткізетін болдың?
- Алғашқы айда атам мен әжеме барып, жайлауда біраз демаламын. Одан кейін отбасымызбен Бурабайғ абарып демаламыз.
- Болашақта қандай мамандық иесі болғың келеді?
- Мен болашақта дәрігер болуды армандаймын.
- Неліктен дәрігер болғың келеді?
- Дәрігерлерді халқымыз әдетте "ақ халатты абзал жандар" деп атайды. Себебі олар науқастарды емдеп, олардың жандарына араша түседі. Науқастардың жазылып кетуіне бар білімімді, күш - жігерімді жұмсап, аянбай еңбек еткім келеді.
- Күніне ғаламторда қанша уақыт өткізесің?
- Жалпы ғаламторды тек сабаққа қажетті ақпарат іздеген кезде ғана қолдануға тырысамын, себебі ғаламторды жиі пайдаланғандықтан тәуелділік пайда болуы мүмкін.
1 мамыр жайлы диалог.
- Алихан, сенің сүйікті мейрамың қандай?
- Мадина, мен барлық мерекелерлі де жақсы көремін. Дегенмен, екі мейрамды аса қатты асыға күтемін: бірі – Наурыз мейрамы болса, екіншісі – 1 мамыр мерекесі.
- Наурыз - жыл басы, ол түсінікті. Ал бірінші мамыр мерекесін не үшін жақсы көресің?
- Себебі, бұл мереке ірі мерекелердің бірі, сонымен қатар ел ішіндегі ұлтаралық келісім мен өзге ұлттардың бір - біріне деген сый-құрметін арттырып, татулықты, бірлікті, ортақ құндылықтарды насихаттайтын мереке.
- Ия, сенімен толықтай келісемін. Бұл мерекенің де маңызы зор екен. «Бірлік болмай, тірлік болмас» деп аталарымыз бекер айтпаған ғой.
- Дұрыс айтасың, бұл ретте ешбір елде болмаған ерекше, саяси маңызы зор құрылым – Қазақстан халықтар ассамблеясы да үлкен рөл атқарады. Еліміздің республикалық, өңірлік, облыстық, қалалық ұлттық-мәдени бірлестіктері кіші ассамблея мүшелерінің бастарын біріктіріп, біздің ортақ үйіміз – Қазақстанда шынайы достықты қамтамасыз етіп келеді.
- Шынымен де, әрбір ұлттың рухани құндылықтары мен ұлттық салт - дәстүрлерін насихаттап, келер ұрпаққа саналы тәрбие беруде бұл мерекенің маңызы мен алар орны ерекше екен.
- Мереке қарсаңында қандай тілек білдіруші едің?
- Бейбіт еліміздің тыныштығы мәңгілік болып, көк аспанымызда тек бейбітшілік құсы қалықтасын!
