Қазақ халқының тарихындағы тұңғыш кәсіпқой палуан — Қажымұқан Мұңайтпасов (әкесі азан шақырып қойған аты — Мұқан) 1871 жылы 7 сәуірде Ақмола уезі, Сарытерек болысына қарасты Қараөткел ауылында дүниеге келеді. Кейбір деректерде оның 1883 жылы туғандығы айтылады. Қажымұқанның әкесі кедей шаруа болғандықтан, оның балалық, жастық шағы жоқшылықта өтіп, ол бұғанасы бекіп, қабырғасы қатпай жатып Маслеников сынды орыс байлары мен ауқатты адамдарға жалданып, отбасын асырап - сақтайды. Бірте - бірте ауыл арасындағы той - томалақтарда күреске түсіп, “бала палуан” деген атаққа ие болады.
