отбасы - табиғат сыйлаған кереметтердің бірі. Бір шаңырақ астында ең жақын адамдарыңмен тыныштық пен сыйластықта тұрасың. Отан отбасынан басталады демекші осы отбасыдан басталады. Отбасында адам бойындағы асыл қасиеттер жарқырай көрініп, қалыптасады. Отанға деген ыстық сезім – жақындарына, туған-туысқандарына деген сүйіспеншіліктен басталады. Сол себепті де біз отбасын Отанның кішкентай бір бөлшегі ретінде қарастырамыз. Әдетте жақсылықтың бәрі отбасынан басталады. Отбасы - жұртты жақындастырушы, ұрпақ пен ұрпақты табыстырушы, ұрпақаралық тұтастықтың отын жағушы ерекше ұя. Сондықтан да отбасы - барша адамзатқа ең жақын, ең қасиетті ұғым. Әрбір отбасында сүйіспеншілік пен түсіністік мықты болса, қоғамның діңгегі де берік болады.Отбасыға ата-ана , бауырларымыз жатады. Отбасыны кішкентай бір мемлекет десе де болады. Сонымен отбасы ең ыстық, ең құнды. Оны бағалай білуіміз керек!
