Сәби шыр етіп дүниеге келген де тап-таза, жақсы деген немене, жаман деген немене білмейтін жан, оның ешнәрседен хабары жоқ. Міне, оған сол сәттен бастап өмірдің қақпасы ашылады. Оны "жанұя" деген жаңа орта қабылдайды. Әке, ана, ата, әже сияқты қаншама қызметшілері бар. Олар сол сәттен бастап сәбиге жол көрсететін тұлғалар, тәрбиешілер, ұстаздар. Сәби бәрін тез қабылдайды, бәрін түсінеді. Тәрбие-тал бесіктен басталады,- деп неге айтқан ата-бабамыз? Бұл баланы тәрбиелеу бесікке бөлеген кезден-ақ басталатындығын меңзейді. Өйткені, сәбиді сол көзін ашқан сәттен бастап, оның бойына жақсы қасиеттерді сіңіре беруіміз керектігін ұқтырады. Адамға ең қажеті мейірім, сыйластық, қайырымдылық, адамгершілік, бауырмалдық, адалдық. Осының бәрі оның өскен ортасындағы адамдардың бойында болса, ол адамдар осы қасиеттерді сәби бойына дарыта білсе, олардың еңбектерінің ақталғаны. Ал, егер бала үлгі болар адамы жоқ ортада дүниеге келген болса, ол көп қиындықтарға тап болары сөзсіз.
Объяснение:
