6. Мәтінді оқып, қарсылықты бағыныңқылы сөйлемдерді тап. Қазіргі таңда бұқаралық ақпарат құралдары қоғамдық
өмірдің барлық саласына дендей енді де, адамдарға үздіксіз
ықпал етудің көзіне айналды. Сондықтан бұқаралық
ақпарат құралдары «төртінші билік» деген атауға ие бол-
ды. Бұқаралық ақпарат құралдарының басты мақсаты
қоғамда, әлемде болып жатқан түрлі жаңалықтарды үздіксіз
жүйелі түрде таратып отыру, ел ішінде, елден тыс жерлерде
болып жатқан әлеуметтік, идеологиялық, мәдени, саяси
мәселелер туралы қоғамдық пікір туғызу және т.б. БАҚ-тың
басты міндетіне нақты бір ақпараттарды беріп, өткір, өзекті
мәселелерді қозғай отырып, оған жұртшылықтың назарын
аудару, көзқарастарын қалыптастыру, құндылықтар жөнін-
де мәліметтер беру жатады. Кейбір басылымдар қоғамдық
сананы өзгерту үшін әртүрлі айла-тәсілдерге де барады.
Оларды «сары пресса» деп атайды. Ал кейбір басылымдар
өткір мәселелерді қозғағанмен, биліктің ықпалынан шыға
алмай жатады. Халық пен билік деп аталатын екі жақтың
мүддесін тең ұстайтын басылымдардың беделі көтеріліп,
биік нәтижелерге қол жеткізеді.
Бұқаралық ақпарат құралдары әртүрлі бағытта ақпарат
таратса да, олардың арасында қандай мәселеге басымдық
берілуіне қарай басылымның тұрақты жанры қалыптасады.
Мысалы, «Ана тілі» газетінің бетінде тілдің әлеуметтік жайы-
на қатысты мәселелер, осы салада еңбек етіп жатқан зерттеу,
білім беру мекемелерінің мәселелері көбірек талданады.
Ал «Қазақ тілі мен әдебиеті» деп аталатын республикалық
журналда көбінесе тіл мен әдебиеттің теориясы және оны
әдістемесіне қатысты
әдістемелік мақалалар, мұғалімдер мен оқытушылардың
ғылыми-әдістемелік,
білім саласына байланысты ой-пікірлері жарияланады.
оқыту
оқу-​

Алматының Абылай даңғылында орталық әмбебап дүкені бар. Бұл қаланың орталығында орналасқан. Мұнда балалардың ойыншықтарынан бастап ине-жіпке дейін сатады.
Дүкені үш қабат, іші өте кең, төменгі қабаттан жоғары қабаттарға эскалатормен көтерілесіз. Заттар әр қабатта тәртіппен орналасқан. Мәселен:
Бірінші қабатта спорт, электр, теледидар, радио, кино-сурет, күй табақтары және үй ішіне қажетті кілем, палас, кір жуғыш машина, тоңазытқыш, аяқ-табақ, т.б. заттар орналасқан. Екінші қабатта ерлерге арналған сырт, іш киімдер, аяқ киімдер сатады. Шұлықтар, галантерея, парфюмерия, сыйлықтарға арналған бұйымдар да осында. Үшінші қабаттың бәрі түгелдей әйелдерге ар-налған. Мұнда олардың іш, сырт, аяқ киімдері және түрлі маталар, дастарқан, орамалдар сатады.
Орталық әмбебап дүкенінің сатушыларының көбі-қазақ тілін білетін, ұқыпты, сыпайы, елгезек адамдар.
Егер сіз олардың қазақша: «Маған спорт костюмі, аяқ киім және электрон сағаты керек еді»,-десеңіз, олар: «Қазір бізде спорт костюмі мен аяқ киім болмай тұр, ал электрон сағаты бар. Алыңыз»,-деп жауап береді. «Маған мына жейде мен галстук ұнап тұр. Бағасы қанша?»-деп сұрасаңыз, олар бөгелместен: «Бәрін қосқанда 250 сом. Аласыз ба? Әкеліңіз орап берейін»,-деп елгезектік көрсетеді.
Басқа бөлімдерге барып үстіңізге сырт киім таңдай бастасаңыз, олар: «Мына үлгі сізге жараспай тұр-» кең, қысқа, ұзын» деген сөздерді айтып қызмет көрсетеді.
Орталық әмбебап дүкенінің бірінші қабатындағы кітап бөлімі маған өте ұнады. Мұнда орысша, қазақша, ұйғырша, түрікше, т.б. тілде жазылған кітаптар өте көп.

Сөздік құрам, лексика – белгілі бір тілдегі барлық сөздердің жиынтығы. Сөздік құрам ұлттың өзіне тән кәсібі мен қоғамдық, әлеуметтік тіршілігін тұтас сипаттайды. Ұлттың рухани және материалдық мәдениеті неғұрлым бай болса, оны жеткізіп, суреттейтін сөздер де соншалықты көп әрі күрделі болады. Негізінде ұлт тіліндегі барлық сөздер реестрге тіркеліп, түсіндірме сөздікке енеді. Мысалы, 20 ғасырдың соңғы ширегінде жарық көрген 10 томдық Қазақ тілінің түсіндірме сөздігіне 70 мыңға жуық лексикалық және фразеологиялық бірліктер енген. Бірақ мұнда қазақ тіліндегі барлық сөздер қамтылмаған. Сөздік құрамыға жалпыхалықтық лексикамен қатар кірме сөздер, терминдер, кәсіби сөздер, диалектілер, жаргондар, әдеби және ауызекі тіл лексикасы, т.б. енеді. ( осыған қарап жасап көріңіз)