ТАЛҒАТ АМАНГЕЛДІҰЛЫ, 1951 жылғы 7 қаңтарда Қазақ КСР (Қазақстан Республикасы) Алматы облысы Жамбыл ауданының Қарғалы кентінде дүниеге келген.
1974 жылы «Авиация радиожабдығын техникалық пайдалану» мамандығы бойынша Лениншіл комсомол атындағы Рига Қызыл Ту азаматтық авиация инженерлерінің институтын аяқтады.
1984 жылы Алматы ӘАФЖЕҚ аэроклубындағы оқуын аяқтады. Ең жоғарғы пилотаж (ұшақ спорты) бойынша КСРО спорт шебері болған бірінші қазақ.
1986 жылы азаматтық авиациясының 30-ы оқу-жаттығу жасағында даярлығын аяқтады және КСРО Азаматтық авиация министрлігі Жоғары біліктілік комиссиясының шешімімен азаматтық авиация ұшқышы куәлігін алды.
1989 жылы Ульянов ЭӨК мүше елдердің азаматтық авиациясы ұшу, диспетчерлік және инженерлік-техникалық құрамын даярлау орталығында (ұшқыш мамандығы бойынша) оқуын аяқтады.
1993 жылы Ақтөбе азаматтық авиация жоғары ұшу училищесін аяқтады, ұшқыш-инженер дипломын алды.
1974 жылғы 1 сәуір мен 1990 жылғы мамыр аралығында азаматтық авиацияда инженерлік, ұшу және командалық лауазымдарда болды.
1990 жылғы 11 мамыр аралығында КСРО Мемлекеттік ведомствоаралық комиссия (МВАК) шешімімен КСРО Азаматтық авиация министрлігінен жалпы ғарыштық даярлау курсы бойынша ғарышкерлерді даярлау орталығына (ҒДО) оқуға ұсынылды.
1990 жылғы қазан – 1991 жылғы мамыр аралығында ҒДО-да жалпы ғарыштық дайындық.
1991 жылғы 6 наурыз КСРО қорғаныс министрінің бұйрығымен міндетті әскери қызметке шақырылды және ҒДО ғарышкерлер жасағының (Гагарин ғарышкерлер жасағы) 4-тобына зерттеуші-ғарышкерлерге кандидат болып алынды.
1991 жылғы 20 мамыр – 10 шілде аралығында қазақстандық бағдарламасы бойынша қосарлаушы экипаждың зерттеуші ғарышкері ретінде «Мир» орбиталық кешеніне бару экспедициясымен ұшуға даярлықтан өтті.
АСТАНА. Қазанның 2-сі. Бүгін - тұңғыш ғарышкер-қазақ Тоқтар Әубәкіровтің ғарышқа ұшқан тарихи күні.
1991 жылғы қазанның 2-сінде жергілікті уақыт бойынша 11 сағат 59 минутта Байқоңыр ғарыш айлағынан құрамында ресейлік Александр Волков, ғарышкер Тоқтар Әубәкіров пен австриялық ғарышкер Франц Фибек бар Союз ТМ-13 ғарыш кемесімен кеңес-австрия экипажы ұшып шықты. Қазақстан мен Австрия арасында ғарышқа жол салған бұл тарихи бастаманы Қазақ КСР президенті Нұрсұлтан Назарбаев пен Австрия Республикасының канцлері Франц Враницкий бақылады.
Тоқтар Әубәкіров - Қазақстанның тұңғыш ғарышкері, Кеңес Одағының соңғы (72-ші) ғарышкері.
Қазірде осы адамдар Қазақстанның ең беделді азаматшаларның/азаматтарының бірі
Бүгінде «Байқоңыр» ғарыш алаңы әлемдегі ең ірі ғарыш айлағы. Аумағы 6717 шаршы шақырымнан асады. Ұзындығы солтүстіктен оңтүстікке – 75 шаршы, батыстан шығысқа 90 шақырымға жуықтайды.
Айлақтың жер бетіндегі инфрақұрылымын 9 ұшу кешенін, ғарыш аппараттары мен зымыран тасығыштар құрастырып, сынақтан өткізілетін 11 ғимаратты, ғарыш аппараттары мен екпінді блоктарға отын және сығылған газды құюға арналған 3 стансаны, 2 аэродромды және өлшеу кешенін қамтиды.
«Байқоңыр» ғарыш алаңының құрылу тарихы
Байқоңыр — ғарыш алаңы Қызылорда облысы Қармақшы ауданының аумағында орналасқан. Іргесі 1955 жылы қаланған. Ғарыш алаңын салу үшін Байқоңырды таңдап алу себебі: бұл жердің елді мекендерден қашық болуы, экватор жазықтығына жақындығы, ракета ұшырудың қауіпсіздігі, қайтып оралатын ғарыштық объектілер үшін қолайлы қону аймақтарының болуы, т.б. факторлар ескерілген.
Байқоңырдың ұшу трассасы Арал теңізінен Камчатка түбегіне дейін созылып жатыр.
1957 жылдың 4 қазанда Байқоңыр ғарыш алаңынан тұңғыш ғарыш ракетасы сәтті ұшырылды. Ол дүние жүзіндегі ең бірінші Жердің жасанды серігін (ЖЖС) орбитаға шығарған. Ал, 1961 жылдың 12 сәуірінде адамзат тарихында тұңғыш рет Ю.А. Гагарин «Восток» ғарыш кемесімен ғарышқа ұшты. Байқоңыр одан кейін де ғарыш кеңістігін игеруде көптеген жаңашыл бастамалардың старттық орнына айналды. Байқоңырдан Күннің, Айдың, Шолпанның алғашқы жасанды серіктері, «Восток», «Восход», «Союз», «Прогресс» ғарыш кемелері, «Салют», «Мир» орбиталық станциялары, жұмыстар жүргізуге арналған «Протон», «Зонд», «Прогноз», байланыс мақсаты үшін пайдаланылатын және метеорологиялық бақылаулар жүргізуге арналған «Молния», «Экран», «Горизонт», «Радуга», «Метеор», т.б. ЖЖС-тері ұшырылды.
