Мәтінді оқыңыз. Демеулік шылауларды табыңыз. ( Прочитайте текст. Найдите служебные частицы) - Меруерт Өтекешева мен Құрман Тастанбеков дегенде көзімізге алдымен Жібек пен Төлегеннің бейнесі елестейді. Олар қос ғашықтың бейнесін «Қыз Жібек» фильмінде ойнап қана қойған жоқ, өмірде де бір отбасына айналды.
«Қыз Жібек» тек мәңгілік махаббат емес, қазақтың салт-дәстүрін, шежіресін, әдет-ғұрпын кеңінен қамтыған фильм. Халықтың сүйіспеншілігінен әлі де ажыраған жоқ. «Қыз Жібек» лиро-эпостық жыр ойдан шығарылмаған. Шынайы өмірде болғандығымен де қызық шығар. Бұл махаббат оқиғасы осыдан шамамен 500 жыл бұрын Ақтөбе облысының аумағында болғаны туралы нақты тарихи деректер бар,- дейді Меруерт Өтекешова.

Сөзжасам орыс. словообразование – тіл білімінің жаңа мағыналы туынды сөздердің қалыптасуы мен мағыналық дамуын, жасалу тәсілдерін зерттейтін саласы. Зат не құбылыс туралы ұғым тілде таңбаланып, сөзжасамдық процесс негізінде атау ретінде танылады. Сөзжасамның зерттеу нысанына атаудың жасалуы, қалыптасуы, ұғымда қалыптасқан бейненің тілдік таңбасы, туынды сөздің жасалу сипаты, әдіс-тәсілдері, жаңа мағынаның ішкі құрылымы, т.б. жатады. Қазақ тілінің сөзжасам жүйесі атаудың қалыптасуымен қатар, мағынаның дамуын, ұғым-мағына - атаудың кешенді бірлігін қарастырады.

Қарағанды

Авторы Иса Байзақов

Қайнаған қалың байлық Қарағанды,

Маңына жайып отыр миллион жанды

Байқасаң Қара алтынды кенін көріп,

Маңызы табысының өте мәнді.

Күн сайын мың сан тонна көмір беріп

Үйілген маяланып кені өніп.

Асыл кен, алтын, күміс, рудалар

Көмірдің қызуымен балқиды еріп.

Қорғасын, мыс пенен жез, асыл болат,

Көмірмен қайнағанда май боп ағад,

Машина, паровоздың қазандары

Күшімен қара алтынның пайдаланад.

Ендеше Қарағанды ұлы табыс,

Күшейсін өндірісі аяқ алыс.

Нормасын мезгілінде толтырмаса,

Екпінге ермегендік үлкен намыс.

Басшы бол маңайыңа екпінділер,

Жалқауды сынға түсір, жазасын бер,

Араңда прогульщик, жалқау болса -

Талқылап түзелуге жөн сілтеңдер!

Қарағанды.

Авторы Қасым Аманжолов

Бір жер бар Қазақстан даласында,

Құрбыжан, апарайын, барасың ба?

Арқаға Алатаудан ақиықтай

Бір ұшсам, болат топшым, таласың ба!

Ол жердің тоңы алтын, түгі торқа,

Қанша алсаң, қазынасы түспес орта.

Өшпейтін өміріңе от береді

Жігіті Қарағанды, салсаң қолқа.

Қарашы Қарағанды күмбезіне,

Бойлаған мұнарасы күн көзіне.

Құрбыжан, қасиетті ол бір қазына,

Қуантып, тартпас, сірә, кімді өзіне?!

Менің Қарағандым

Авторы Мерей Жарқымбекова

Қарағанды әсем, үлкен қаласың,

Байлығымен аты шыққан дарасың.

Сарыарқада орналасқан қаласың,

Әсемденіп күннен-күнге барасың.  

Бұл жақта көп өндіреді көмірді.

Қуантады жылулықпен өңірді.

Мәдениеті дамыған қаламыздың.

Елімізге мәлім болған дарамыз-біз.  

Спорттан да қалыспаған менің қалам,

Жүлделі орындармен есте қалған.

Ата-баба өсиетін қадірлеген,

Басқа елге ерсі қылық танытпаған.