Менің сүйікті актерім
Менің сүйікті актерім - Джеймс Юджин «Джим» Керри. Ол 1962 жылдың 17 қаңтарында Канаданың Онтарио провинциясында дүниеге келген америка-канада киноактері, сценарийші, продюсер.
«Бір жолы тістелген» фильмінде ең алғаш рет басты рөлді сомдаған. АҚШ-тағы жалақысы жоғары актерлердің бірі. Көпшілікке «Маска», «Эйс Вентура: Үй жануарларын іздестіру», «Труманның шоуы», т.б. фильмдерімен танылған.
Кішкентай шағында қиын жағдайда өмір сүрген. Отбасында өзінен үлкен екі әпкесі және ағасы бар. Жастайынан адамдарға пародия жасап, елдерді күлдірткенді ұнататын ол өзінің мансабын комедиялық клубтарда өнер көрсетумен бастаған.
Актерлік дебюті 1983 жылы «Резеңке бет» фильмінен басталады. Бұдан кейін де ол бірқатар фильмдерге түседі. Бірақ олар аса сәтті болмайды. 1993 жылы ол «Эйс Вентура: Үй жануарларын іздестіру» фильмінің түсіріліміне қатысады. Фильмнің сценарийін өзі жазып, басты рөлді де өзі сомдайды. Фильм үлкен жетістіктерге жетеді. Осыдан кейін оның мансабы жоғарылай бастайды. Джим әртүрлі номинациядағы түрлі сыйлықтардың иегері.
Оның актерлік шеберлігі мен жігерлілігіне тәнтімін.
Табиғат аясында.
Көптен күткен жазғы демалыс та келіп жетті. Айдана достарымен келісіп күн батқанға дейін табиғат аясында демалып қайтқалы жатыр. Қыздар жағы үйден керек ыдыс-аяқтар, небір дәмді әрі жеңіл тағамдарды дайындап алып келеміз деді. Ал ұлдар жағы болса шатыр құруды, от жағуды өз мойындарына алды. Ертесіне достар бірігіп Айдананың үйінің алдына жиналып, сол жерден ауылға жақын жердегі тоғайға жол тартты. Ол жер көлеңке және жақын маңда өзен де бар. Ыңғайлы орын таңдап алып, қыздар алаша жайып тамақ дайындауға кірісті, ұлдар көлеңке болатын шатыр құрды. Тамақтанып алған соң барлығы өзенге келді. Бір тобы суға түспейміз деп жағада қалып әңгіме-дүкен құрып, енді бірі суға сүңгіп мәре-сәре боп жүр. Күн батуға таянғанда достар жинала бастады. Жаққан оттарын сөндіріп, одан соң орнын көмді. Қоқыстарын да тастамай, жинап алып кетті. Айдана және оның достары осылайша бастары қосылса таза ауада, табиғат аясында жүргенді ұнатады. Үйде қамалмай, туған жердің табиғатына тамсанып, рақаттанғанға не жетсін!
