Белгілі жыршы-термеші Сүгір Бегендікұлын кім білмейді? Оның орындауындағы шығармалар мәдениетіміздің ұлттық қазынасына айналды. Әсіресе, батыс өңірінің, соның ішінде Маңғыстаудың дәстүрлі ән, жыр мектебін қалыптастыруда оның өзіндік үлесі мен қолтаңбасы бар. Бүгінде Сүгірдің сазы, Сүгірдің термесі кең-байтақ қазақ елін шарлап кетті. Шет елдерде де орындалып, қазақ деген халықтың терме өнерінің құдіретін әлемге таратып, паш етті. Оның шығармасын орындаушылардың бүтін бір тобы қалыптасты.
С.Бегендікұлы жақсы орындаушы болумен бірге, өзі ән-терме шығарып, өзіндік мектеп қалыптастырған белгілі сазгер де. Мәселен, қазіргі күнде сахнадан түспей орындалып жүрген «Сүгірдің термесі» соның бір мысалы. Оның қайталанбас, өзіндік мақамын айтыс ақындары да пайдаланып жүр. Осындай тума талантқа өзінің кіндік қаны тамған жерінде құрмет те аз көрсетіліп жатқан жоқ. Кызылсай ауылындағы орта мектеп оның атымен аталады. Мектеп алдына келісті ескерткіші де қойылды. Осының барлығы белгілі өнер иесіне деген халықтың ыстық ықыласы деп білген жөн.
Қашан да тума таланттар мен шығармашылық азаматтарға қамқор болып, қолдап жүретін Жаңаөзен қаласының әкімдігі өнер сүйер қауымның өтініші мен тілегін ескере отырып, термеші сазгердің Қызылсай ауылынан жеке мұражайын ашуға мұрындық болды. Және осы игілікті істің басы-қасында жүрген ауыл әкімдігі мен ақсақалдар кеңесінің еңбегін де ұмытуға болмайды.
Жаңа мұражайдың ашылуы ауылда үлкен той ретінде өтті. Ақындар айтысы мен мүшәйрасы, түрлі спорттық шаралар ұйымдастырылды. Сүгірдің шығармаларын қазіргі жас өнерпаздар келстіре орындады. Салтанатқа Жаңаөзен қаласы әкімінің орынбасары Исахан Сағынбаев қатысып, жаңа нысанның ашылуымен ауыл тұрғындарын құттықтап, Сүгірдің ізбасарлары жас толқынға дәстүрлі халық өнерін дамытып, насихаттауда ақ жол тіледі. Шараны ұйымдастырып, өткізуге атсалысқан бір топ азаматтарды марапаттады.
Осы арада айрықша бір айта кетер мәселе, соңғы жылдары аймақтың шығармашылық азаматтары мен жастарын көтермелеп, қолдау білдіру де жақсы бір дәстүрдің қалыптасып келе жатқандығы. Бұған бірнеше жергілікті авторлардың кітабының шығып, шығармашылық кештерінің өтуі куә. Соның бір мысалы ретінде жақында ғана елімізге белгілі дүлдүл күйші Сержан Шакраттың 75 жылдық мерейтойының аймақ көлемінде аталып өтуі.
Қазір Маңғыстауда рухани түлеу мен жаңару бар. Халықтық дәстүр мен өнерді құрметтеп, көкке көтеру бар. Бұл аймақтың жан- жақты кемелдене түскендігін көрсетеді. Жерлесіміз Сүгір Бегендікұлына көрсетілген құрмет соның бір мысалы.
Әрбір адам өзін күтетін, жақсы көретін бақытты отбасы туралы армандайды. Көптеген адамдар шын бақытты ең алдымен отбасынан көреді. Отбасы сөзімен біздің өмір, бейбітшілік, махаббат тіралы ең алғашқы ойымыз қалыптасады. Үй - бұл ең алдымен отбасы, бұл тұған жеріңе деген махаббат басталатын кіші Отаның. Жанұя - бұл сенің ең сүйікті әрі ең жақын адамдарың. Маған жаұя анадан басталады. Ананың махаббаты, мейірімі бізді өмірге келген кезден-ақ басталады. Ана - отбасы ошағын сақтаушы. Ол барлық отбасын ұстап тұрады: жұмыстан келгеннен кейін тамақ дайындап, үй жинайтын да осы ана. Мен анамның қалай ғана барлық іске үлгеретініне таңданамын. Біздің үйде маған да, әкеме де, тіпті жануарларға да жылы әрі ыңғайлы. Әріне, жалғыз анам бүкіл отбасыны құрай алмайды. Өйткені, отбасы - бұл барлық адамдар. Көмек беру, мейірімділік менің отбасымда жылулық сақтап отырады. Әрбір отбаснда өзінің әдет-ғұрыптары, мейрамдары болады. Бұл біз үшін ең алдымен күлкі, қуаныш, достар, сыйлықтар, жақын адамдар. Отбасылық мейрамдарға бәріміз бірге дайындаламыз және асыға күтеміз. Мейрамдарды біз табиғатта, үйде өткіземіз. Көбіне мұндай атаулы күндерді біз ата-анамыздың достарымен өткіземіз. Отбасы әрқайсысымызға ең ыстық. Бұл ортада бізге біздің қателіктерімізді айтады, әрқашан жақсы көреді. Отбасысыз адам өмір сүре алмайды. Менің отбасым- менің қорғаным.
