Бір түлкі жүгіріп келе жатып, абайсызда бір терең өңгірге түсіп кетіпті.Шыға алмай тұрғанда, бір ешкі су іздеп жүріп, әлгі өңгірге кез болып, түлкіні көреді.
– Ей, түлкі қорқақ, не істеп тұрсың? — депті
– Ой, не қыласың, жаным ауырып тұр. Қырда әрі су ішкім келіп , әрі ыстықтап өліп едім. өңгірдін іші әрі салқын, әрі түбінде тұп тұнық суы бар екен, — депті түлкі.Мұны естіп ешкі: «Мен де салқындайын, әрі су ішейін», — деп ойлап, секіріп апанға түсіпті. Сонда түлкі секіріп, ешкінің үстіне мініп, онан мүйізіне аяғын тірепті де, секіріп далаға шығып, жөніне кетіпті.
