Шампиньондардан салат жасау
Бізге қажет болады: - 250 гр консервіленген шампиньондар - көк пияз - 2 ірі жұмыртқа Жұмыртқаларды алдын ала пісіріп алыңыз. Шампиньондарды майдалап тұралған пияздармен қоса аз майға қуырыңыз. Піскен жұмыртқаларды аршып, сарысын алып тастап ағын ірілеп тұраңыз да, қуырылып жатқан шампиньондарға қосыңыз. Бәрін бір-екі араластырып сәл ғана қуырыңыз. Сервис жасайтын табақтарыңызға қойған соң, үстіне жұмыртқаның сарысын үгіп салыңыз. Жұмыртқаның сарысын бірден араластырып қойсаңыз да болады. Асыңыз дәмді болсын!
Күнделікті өмірді жеңілдететін құрал-жабдықтар.
Бұрыңғы кезде ата-бабамыздың тұрмыстық тіршілігін жеңілдеткен диірмен,көсеу,иінағаш секілді құралдар болды.Ал қазіргі таңда күн сайын ғалымдар өмірімізді жеңілдететін көптеген құрал-жабдықтарды ойлап тауып жатыр.Осы заттардың бірін қолға алсаңыз,сіз одан ажырағыңыз келмейді.
Күнделікті өмірді жеңілдететін құрал-жабдықтар дегенде есімізге бірден кір жуғыш машина,шаңсорғыш,тоңазытқыш, микротолқынды пеш және т.б. көз алдымызға келеді.Әрине,олардың бірі қол күшінсіз-ақ киім жууға,тамақты ысытуға таптырмас кұрал.Алайда,қазіргі күнде, мүмкін біреуіміз біліп,енді біріміз естімеген де құралдар бар.Мысалы:майға арналған ыстық пышақ,wi-fi қалам,суперпластилин,қол жетпейтін жерлерді тазалауға арналған шүберек-желе сынды құралдар адам өмірін едәуір жеңілдетеді.Мұндай құралдардың қаншамасы бар десеңізші? Осындай ғылым мен техника салтанат құрған заманда адам өмірін жеңілдететін құрал-жабдықтардың саны да,сапасы да артатыны айдан анық.
