Объяснение:Туған жер... Туған ел... Осы екі ғана сөзде қаншама мағына, қаншама ой жатыр десеңізші?! Туған жердің қадірін әр адам әрқалай түсінетін шығар. Ал мен үшін Туған жер қадірі дүниедегі ең ұлы деген нәрсемен пара-пар. Себебі, ол – менің әлпештеген анам, аялап өсірген әкем, туған-туысым, аға-әпкелерім, мені білім жолына жетелеген ұстаздарым, сол білімге ұмтылу жолындағы тай-құлындай тебіскен жора-жолдастарым дүниеге келген жер. Менің Туған жерім, Отаным – кішкентай болса да, мен үшін аса қымбат әрі киелі Қармақшы жері. Осы мекенде менің көңілді де шаттыққа толы, уайымсыз да бейкүнә балалық шағым өтті. Қызыққа толы балалық шағым өткен туған ауылдың ауласын еш уақытта ұмытпақ емеспін. Балабақшадағы күндерім... Мектеп табалдырығын алғаш аттаған күн... Сыныптас достарыммен алғашқы таныстық... Бәрі-бәрі қазіргідей көз алдымда. Осылайша мектеп табалдырығын аттаған күнімді көз алдыма әкелсем, бүгінгі білім ордасымен, санаптас достарыммен қоштасар сәттің жақындағанына да сене алмай қаламын. Әредік орта мектепті бітіруге санаулы ғана күн қалғанын, сыныптас достарымызбен жан-жаққа, Қазақстанның түкпір-түкпіріне білім іздеп кете баратынымызды, балалықпен қоштасуым тиіс екенін ойласам бітті – жүрегім атша тулап, қобалжып қоя береді. Енді әне-міне дегенше сүрлеу-соқпағы көп өмірдің үлкен белесіне аттанбақпын. Мен – жас түлекпін алға ұмтылған. Жас түлек – болашақ үлкен мамандық иесі, өмір атты керуеннің бір жолаушысы. Қалаған мамандығымның соңына түсіп, өмір-керуен қайда жетелесе – сонда жол тартпақпын. «Сен де бір кірпіш, дүниеге кетігін тап та бар қалан» деп қазақтың дара тұлғалы ақыны Абай атам айтпақшы, өмірден өз орнын тапқан дұрыс қой. Дегенмен «туған ауылымды тастап кете барамын» деген ойдың өзі менің киелі, құт мекеніме деген сағынышымды қазірден арттыра түседі. Туып-өскен жерім туралы толғанып, ой жетегіне берілген шағымда үнемі Авар елінің нағыз патриот ақыны Расул Ғамзатовтың мына бір шумақтары ойыма оралады да тұрады:
Толығырақ: https://massaget.kz/okushyilarga/shyigarma/28769
Материалды көшіріп басқанда Massaget.kz сайтына гиперсілтеме міндетті түрде қойылуы тиіс. Авторлық құқықты сақтаңыз
Мектеп бітіру кеші – мәңгі есте қалатын қуанышты сәт.. Бақытты балалық шақ аяқталды! Алғашқы мұғалім, мектептегі қуанышты іс-шаралар, шулы үзілістер және тіпті дайындалмаған сабақтар бәрі артта қалды. Алда үлкен өмірдің қызықты да, қиын баспалдақтары жаңа жетістіктер сені күтіп тұр. 11 жылдық еңбегіңнін жемісін көріп,қуанатын шақ.Алдыға қойған мақсаттарың айқын көріне бастайды.Өзіңнің ересек өмірге аяқ басқаныңды түсінесің.Мектеп бітіру кеші ең көңілді керемет сонымен қатар мұңға толы кеш.Алғаш партаға отырған күніңмен қоштасасың,алғашқы достарыңмен қоштасасың,мұғаліммен,мектеппен қоштасасың.Мектепте болған қызықты оқиғалар саған тек қол бұлғап қала береді.Он бір жыл бойы оқыған алтын ұяңмен қоштасу өте қиын. Жан-дүниең құлазып, он екі мүшеңнің бірін жұлып алғандай сезімде боласың. Кейде еріксіз көзіңе жас аласың. Сыныптастарыңмен, ұстаздарыңмен өмір атты ұзақ жолда әлі талай жолығатыныңды, сурет естеліктердің бар екенін жақсы түсінесің. Алайда басыңнан өткерген тәтті күндер енді қайтып келмейді... Мектеппен қоштасу кеші осылай аяқталады.Алда тек мүмкіндік пен жаңа өмір күтеді.
