Қазақ тіліндегі омонимдер мағыналары мен формаларына қарай лексикалық, лексика-грамматикалық және аралас омонимдер болып үшке жіктеледі. Лексикалық омонимдер бір ғана сөз табына қатысты болады да, барлық жағдайда бірыңғай тұлғада айтылады. Мысалы: ара — 1. жәндік; 2. ағаш кесетін құрал. Ал лексика-грамматикалық омонимдер әртүрлі сөз табына қатысты боландықтан, түбір тұлғасында омоним болады да, қалған уақытта әр сөз өзіне тән тұлғаларда түрленіп, өзгере береді. Мысалы: 1) жүз — адамның бет-әлпеті; 2) жүз — пышақ, ұстара, т. б. заттардың өткір жағы; 3) жүз — саяси-әлеуметтік термин (Ұлы жүз, Орта жүз, Кіші жүз); 4) жүз — тоқсан тоғыздан кейінгі сан; 5) жүз — суда қозғалу, малту. Аралас омонимдер жоғарыда аталған екі топтың да ерекшелігін қамтиды. Мысалы: 1) ақ сүттің, қардың түсіндей аппақ түс; 2) ақ — шын, тура, ақиқат; 3) ақ — судың өз арнасымен бір қалыпты жылжуы; 4) ақ — демеулік шылау (сен-ақ айтшы!). Жазылым.
3-тапсырма. Төмендегі сөздердің лексика-грамматикалық омонимдерін тап.Олардың мағыналарын ажырат. (Найди лексико-грамматические омонимы следующих слов. Различи их значения.)
