Бердібек Соқпақбаев-белгілі балалар əдебиетінің көрнекті жазушысы.Оның шығармалары бүкіл елге əйгілі,көп тілдерге аударылған.Ол біздің жақсы көретін "Балдырған" журналында қызмет атқарған.Оның балалар өміріне арналған қызықты шығармаларын оқи отырып, əр кезде өзімнің таңданысымды жасыра алмаймын. Жазушының балалық шағы өте қиын жағдайда өткен. Ата-анасынан ерте айырылып, кісілердің қолында жүрген. Сондықтан болар,ол шығармаларында өзі сезіне алмаған балалықтың бал дəмін өте шебер бейнелейді.
Ол Отан соғысы жылдарында Ф30 мектебінде оқыған, Кеңес армиясы қатарында еңбек еткен,содан кейін ауылда мұғалім болған, Қазақ педагогика институтының филология факультетін бітірген.Жазушының "Балалық шаққа саяхат" деген повесі - өмірбаяндық туынды.Ол балалық шақта басынан кешкендерін Бектас бейнесі арқылы елестетеді.
Шығарманың кейіпкерлері жетімдік пен жоқшылық қасіретін көп көрсе де, онысына мойымайтын, қажырлы да өжет.
Əсіресе, оның шығармаларынан маған "Менің атым-Қожа" повесі қатты ұнайды.Повесть бастан аяқ юморлық стилде жазылған.Шығарма көңілді əрі жеңіл оқылады.Қожа қанша қиқар болса да, жаны таза, арманшыл бала болғандықтан маған ұнайды.Б.Соқпақбаев бала мінезін ешқандай жасандылықсыз бейнелейді.Шығарманы оқып отырып, əрқайсысымыздың басымыздағы балалық шақтарымызды сезінгендей боламыз.Повесть жаман əдеттерден аулақ болуға, адамға, жолдастыққа адал болуға тəрбиелейді
