Күйші Дина «Қос шеңбер» әдісі арқылы оқығандарын бөліседі. Халық әртісі, күйші, композитор, қазақ халқының мәдениет қайраткері Дина Нұрпейісованы жасынан өнер қонған, ерекше дарын иесі деп атауға болады. Оның бұл дарынын алғаш байқаған әкесі екен. Дина 9 жасында Дәулеткерей, Мүсірәлі, Байжұма сияқты күйшілердің шығармаларын бұлжытпай орындайтын болды. 1870 жылы атақты күйші Құрманғазы Динаның талантын сырттай естіп, арнайы іздеп келеді. Динаның өнеріне тәнті болып, күйшілік өнерге өзі баули бастайды, тоғыз жыл бойы осы өнердің қыр-сырын меңгертеді. Осы жылдары ол өзінің тырнақалды шығармаларын дүниеге әкелді. «Бұлбұл», «Байжұма», «Көген түп», «Он алтыншы жыл» атты күйлері Динаның дарынды композитор екенін дәлелдеді.
