2. Теңеулі тіркестер A) Алма мойын, қараша үй
B) Қайырсыз жер, сар ала алтын
C) Емендей белі, жібектей жалы
D) Аруақты ер, жеті жұрт
E)Олжалы жер, аузы түкт

3. Шәкәрімнің «Жастарға» өлеңінің басты идеясы
A) Ел мен жерді қорғауға шақыру
B) Жастар ұйымын құруға шақыру
C) Отаршылдыққа қарсы шығуға шақыру
D) Абайдан тағылым алуға шақыру
E) Ат баптап, саятшылық құруға шақыру

4-6- тапсырмалар бірнеше жауабы бар тапсырмалар

4. «Үш қиян» шығармасындағы үш қиян атаулары
A) Жайықтың бойы – майлы қиян
B) Қабыршақтының бойы – шаңды қиян
C) Еділдің бойы – қанды қиян
D) Сақмардың бойы – майлы қиян
E) Есілдің бойы – қанды қиян
F) Ақсудың бойы – майлы қиян
G) Маңғыстау бойы – шаңды қиян
H)Ертістің бойы – шаңды қиян

5. «Еңлік-Кебек» дастанында көтерілген мәселелер
A) Әйел теңсіздігі мәселесі
B) Отаршылдыққа қарсылық мәселесі
C) Жастардың бас бостандығы мәселесі
D) Білім мен ғылым мәселесі
E) Соғыс, теңдік сұрау мәселесі
F) Рулардағы жер бөлісу мәселесі
G) Билер кеңесін құру мәселесі
H) Ескілік салтқа қарсылық мәселесі
6.«Еңлік-Кебек» дастанындағы Еңлік айтқан өлең жолдары[2]
A) Артқы өмірді әзір біз қоя тұрып, Ойнап-күлсек қайтеді біраз заман?
B) Жас түзеліп, түрленіп ержетпей ме, Бойындағы балалық бір кетпей ме...
C) Соғысқа сылтау таппай отырғанда, Бүлдірмелік Матай мен Тобықтыны
D) Түнеукүні айтқан уағда қайда, Кел, кетелік, кідірмей осындайда...
E) Түлкіні бір Матайдың көзі шалды, «Мынаны кім берген?» деп қолына алды
F) Көшсем қоныс, отырсам, көмегім жоқ, Көрсетемін, қайтейін тыныш жатам
G) Қыздан сорлы бола ма бұл жалғанда, Кез болмаса, өзінің сүйер теңі?
H) Ей, жұртым! Бір-екі ауыз сөз айтайын, Әйтеуір өлтіруің тұр ғой дайын...

Мен де бір ой айтайын ...

«Қазіргі заманда үш тіл білу - міндет».

Елбасымыз Нұрсұлтан Назарбаев 2007 жылғы «Жаңа әлемдегі жаңа Қазақстан» атты халыққа кезекті жолдауында үш тұғырлы тіл жобасын кезеңдеп іске асыруды ұсынған болатын. Бұл жағдайда Қазақстан бүкіл әлемге халқы үш тілді пайдаланатын мәдениетті ел ретінде танылады. Бұл тілдер: қазақ тілі – мемлекеттік тіл, орыс тілі – ұлтаралық қатынас тілі және ағылшын тілі – халықаралық бизнес пен экономика тілі.

Болашақ осы үш тілді қатар, жетік меңгерген жастарымыздың қолында болмақ. Себебі қазіргі жаһандану заманында бәсекеге барынша қабілетті жастардың болашағы жарқын болмақ.

Қазақстан Республикасы Болон процесіне мүше болғаннан бері үш тұғырлы тіл мәселесі өз маңызын жоғалтпай, керісінше арта түсуде. Қазіргі кезде үш тілді қатар меңгеруге бар жағдай жасалып отыр, сол мүмкіндікті барынша пайдалану керек деп есептеймін. Бұл да қазіргі заман талабы. Тез өзгеріп жатқан дұниеде өмір сүріп, өз орныңды табу үшін жан – жақты болу керек. Дана халқымыз «Жеті жұрттың тілін біл, жеті түрлі білім біл» деп қазіргі заман талабына сай көрегендікпен, қалай терең ойлап айтқан десеңші...!

Осы орайда мен де өз келешегімді шет тілдерімен байланыстырамын. Қазірдің өзінде мектепте ағылшын тіліне ден қойып, орыс тілін де жетік меңгеруге тырысып жүрмін.

Қазақ батырлары туралы.

Ел тағдырын бәрінен биік қойған, ұлттың тұтастығын, жерінің бүтіндігін мұрат еткен қазақ батырлары қазақ тарихының әр белесінде тұлғалық деңгейге көтеріліп отырған. Яғни, олар ұлттық тұлға болған. Осы ұлттық тұлға тұғырына көтеріліп, аты аңызға айналған, тарихта есімдері қалған, келер ұрпаққа үлгі болатын сан мыңдаған батырлар бар.

Қазақ ұлтының бағына орай әр ғасырда жаужүрек, батыр ұлдары мен қыздарын мол жаратқан. Ұлт содан аман қалып, көптен аңсаған Тәуелсіздікке де қол жеткізіп, Қазақ елі жаудың қолында кетпеді. Осылайша, ол шеті мен бұл шетіне құс қанаты талатын казіргі кең байтақ өлкемізді, құтты қоныс, ата мекенімізді ұлы жорықтарда батыр бабаларымыз білегінің күшімен, найзасының ұшымен қорғай жүріп бізге аманаттап қалдырды. Бүгінде есімдері тарихқа алтын әріптермен жазылған Абылай ханның бас қолбасшылары саналған Қаракерей Қабанбай, Қанжығалы Бөгенбай, Шапырашты Наурызбай бір төбе болса, тағы да осылардың қатарында бір шоғыр қазақ батырларының: Қарасай мен Ағынтай, Саңырық пен Тайлақ, Өтеген мен Сұраншы, Сеңкібай мен Шойбек, Малайсары мен Райымбек, Бөлек пен Сатай, Жәнібек пен Тілеуке, Қылышбек пен Естенбек, Есенқұл мен Сыпатай сынды ақберендердің есімдері де айрықша жарқырап көрінеді. Қай-қайсының болмасын өзіндік ерекше орны бары анық, халық оларды ерекше құрметтеп, ән мен жырға қосқан. Ендігі біздің міндетіміз - осы батырлар бізге аманаттап қалдырған бейбіт еліміздің Тәуелсіздігін тұғырлы етіп, одан әрі көркеюіне үлес қосу.