Ана тілі дегеніміз – сол тілді жасаған, жасап келе жатқан халықтың өткені, бүгінгісі, болашағы.
Қазақ тілі өзінің даласындай бай. Қазақ сөзі қашанда даланың қоңыр желіндей аңқылдап, еркін есіп тұрады. Қазақ тілі қасиетті Қазақ домбырасының үнімен үндесіп жатады. Ана тілі – бұл әкенің тілі, туған халықтың тілі.
Ана тілін біз кішкентай кезімізден әке-шешемізден, әжеміз бен атамыздан біле бастаймыз.
Ана сүтіндей бойымызға біртіндеп сіңеді. Халықтың тәуелсіздігінің ең басты белгісі – оның ана тілі, ұлттық мәдениеті. Өзінің ана тілі, ұлттық мәдениеті жоқ ел өз алдына мемлекет болып өмір сүре алмайды. Дүниедегі барлық халық тәуелсіздікке ұлттық қадыр-қасиетін, мәдениетін, ана тілін сақтап қалу үшін ұмтылады.
Сондықтан кез келген мемлекет өзінің аумағында салт-дәстүрін, ана тілін айрықша қорғайды.
Еліміз Қазақстан Республикасы егемен ел атанды. Ана тілімізге мемлекеттік мәртебе берілді. Тіл туралы заң қабылданды. Президентіміздің 2003 жылғы 15 қарашадағы жарлығымен қыркүйектің үшінші жексенбісі Қазақстан Республикасы халықтары тілдерінің күні ретінде атап өтілетін болды.
Тіл адамдар арасындағы қатынас құралы, өйткені адамдар қоғамдық өмірде бір-бірімен тіл арқылы сөйлеседі, пікір алмасады, ойын жеткізеді.
Тіл арқылы біз оқып, білім аламыз, қалаған мамандықты игереміз.
Тіл арқылы даналар сөзін оқып білеміз, одан ғибрат аламыз. “Өнер алды – қызыл тіл” деген осыдан шыққан болар. Тіл халықпен бірге жасайды, дамиды, өркендейді
Басы иіліп тұрған бидай мен кекірейіп тұрған бидай арасындағы диалог.
– Әй, бидай, сенің басың неліктен иіліп тұр. Мен секілді көкке қарап, кекіреймесің бе?!
– Мені күтіп, баптаған адамға рақметімді білдіріп иілемін.
– Неге адамға салбырап басымызды иіуіміз керек екен?
– Сен тәкәппарсың. Міне, сондықтан да сен биік өсіп тұрсың. Біз адамның көмегімен дәнге толып, пайда алып келеміз. Ал сенің дәнің аз, сен тек санын арттырып, сапасына кесіріңді тигізесің. Соны білесің бе?
– Онда қалай сендер секілді мол өнім беруге болады?
– Басыңды көкке көтере берме. Бар дәніңнен солай айрыласың. Ал иіліп, шүкір ететін болсаң, дәнің молая түседі.
– Түсінікті. Дөрекілігім үшін кешір.
– Бізге бар жағдайды жасайтын адам ғой. Сыпайы болып, оған тиісінше мол өнім беріп, алғыс айту керек.
– Жарайды, рақмет!
– Оқасы жоқ!
