Батырларға серік болған пырақтар.
НАРҚЫЗЫЛ - 15 жасар Абылайға Бөгенбай батыр бата беріп, астындағы Нарқызыл атын сыйлаған.
АЛАҢБОЗ бен ҚҰЛАША АТ - тарихи әңгімелерде әскердің алдына салтанатты түрде шыққанда Абылайдың Алшаңбозы және ұрысқа мінетін Құлаша аты туралы айтылған.
ҚУБАС АТ Қаракерей Қабанбай батырға серік болған, аруақты тұлпар -Қубастың орыны ерекше.
АҚБОЗ АТ - Әбілхайыр ханның мінген аты.
КӨКОЙНАҚ - Қазақ халқының жоңғар басқыншыларына қарсы соғысының қолбасшыларының бірі, аты аңызға айналған, елге ұран болған хас батыр - Райымбек Хангелдіұлының мінген аты.
АҚТАБАН АТ - Исатай батырдың соғыстарға мінген аты.
КЕСІКҚҰЛАҚ - Әйгілі батыр Махамбет мінген ат. Құйқылжыған құла жирен, құла ат - небір тар жол, тайғақ кешулерде, қым-қуыт сәттерде серік болған Махамбеттің өз аты құла аттың ен-таңбасына орай "КЕСІКҚҰЛАҚ" деп аталған.
ҚҰДАЙБЕРГЕН ТОРЫ, АҚМОНШАҚ, МӘСТЕКҚАРА, КӨКЕШКІ, ЕШКІБАС - XIX ғасырдағы ұлт-азаттық соғыстарының қолбасшыларының бірі, Кенесары қозғалысына қатысқан, Хиуа, Қоқан феодалына қарсы күрескен айтулы батыр Жанқожа Нұрмұхамедұлының мінген тұлпарлары.
КЕРТАЙЛАҚ - Ең шешуші қырғызбен Кекілік тауындағы шайқаста Наурызбай батырдың Қызылауыз атына оқ тиіп, үйсін Баязақ батырдың әкеліп берген Кертайлақ атына мінген екен.
Судың маңызы.
Су – тіршілік көзі. Дана халқымыз «Судың да сұрауы бар» деп бекер айтпаған. Себебі, тамақсыз бірнеше күн өмір сүре алсақ, сусыз тіршілік жоқ. Тіпті, адам денесінің 2/3 бөлігі судан тұрады. Тіпті алғашқы тіршілік те судан басталған. Жер бетінде су - ең кең таралған зат.
Ал біз күнделікті судың қадірін біле бермейтініміз - шындық. Сарқырап су ағып тұрған соң бір тамшы суға зар болған жандарды түсіне бермейміз. Қазіргі кезде өнеркәсіпте көп қажеттіліктерге суды пайдаланғаннан, өндіріс қалдықтары суды ластауда. Сондықтан күн өткен сайын ішуге жарамды таза су азайып барады. Бұл ретте біз қолымыздан келгенше суды үнемдеп, оның басты құндылық екенін естен шығармауымыз керек.
