"Еліміздегі кей азаматтар қазақ тілін үйренуге құштар емес, себебі мемлекеттік тілдің қажеттілігін сезінбейді."
Қазіргі таңдағы қазақ қоғамында қазақ халқы дәстүрлі ана тілімізде емес, өзге тілде сөйлеуді жөн көретін жағдайға тап болып отырмыз. Бұл жағдайлар жиі кездесіп халқымыздың мәңгүрттенуін сипаттайды. Бұл мәселенің түбі неде жатыр? Ана тілінде сөйлеуді ұят көру; басқа халық өкілдеріне еліктеп, өз ұлттық мәдениетпен құндылықтарын ұмыту; кіші кезінен бастап өз ана тілінде сөйлемеу, отбасының қазақ тілін білмеуі.
Елбасымыздың айтқан сөзі бойынша: "Тәуелсіздіктің негізгі тірегі - ұлттың тілі, діні, ділі. Тәңірдің а жасаған сыйы - тіл. Ол - қасиетті де қастерлі. Оның бойында өзекті жанды өзіне тартып тұратын күш бар. Тілде бүкіл тіршілік тұрғандай" - демекші, мынандай ой қалыптастыра аламыз: Ұлт тірегі - ұлттық тілі, діні, ділі. Өзіміз қазақ тілінде сөйлемесек, басқа ұлт өкілдері де сөйлемейді. Бізге ана тіліміз керек болмаса, басқасына да керек болмайды. Олай болса, Қазақстанның болашағы - өзіміздің қолымызда!
Ауыз әдебиетінің бағы заманнан ескірмей ұрпақтан–ұрпаққа ауысып отырған күрделі де мол бір саласы — батырлар жыры. Бұл жырларды жыршы–жыраулар ғасырлар бойы қобызға немесе домбырыға қосып, белгілі бір әнмен айтып, ауыздан-ауызға таратып келген. Қазақбатырлар жырындағы басты қаһарман елін сүйген батыр, ал оның басты мақсат-мұраты — халқын, Отанын басқыншы жаудан қорғау. Батырлар жырының көпшілігінде халықтың түбегейлі мұң-мүдесі көкселеді. Батырдың халыққа қамқоршы болу арманы, сол жолдағы іс-әрекеті жырлануы арқылы оның өз-үй ішіне, өз руына деген сүйіспеншілігі, де айқындалады.Батырлар жырларынан ерте замандағы баласы жоқ қарттың, бастаушысы жоқ елдің басқадан жәбір-жапа көретіні де танылады. Басқыншылардан қорғайтын батыр жайлы жырлар ел қиялында осындай зарығу, торығу тұсында туады. Мұндай батырды халық қартайған ата-ананың амандығы үшін қажет деп біліп, оның көршілес рулармен де күш біріктіруін көздейді. "Алпамыс батыр”, "Қобыланды батыр”, "Ер Тарғын”, "Қамбар батыр” сықылды қазақбатырлар жырларында қалмақ, моңғол басқыншыларының шабуылы баяндалып, қазақбатырларының сол күрестегі ерлігі жырланады.
