7-тапсырма. Мәтін мазмұны бойынша сұрақтар құрастыр. Етістіктерді тауып, щақтарға қой. Есте сақта!
Спорт шебері, оның бапкерлері, кәсіподақ мүшесі, өлкетану мұражайы

Даңқты балуан, қазақтан шыққан тұңғыш Олимпиада чемпионы – Жақсылық Үшкемпіров 5 бірдей медалін жергілікті өлкетану мұражайына табыс етті. Әлем және Мәскеу Олимпиадасының чемпионы – Жақсылық Үшкемпіров 1968 жылы Семейдегі малдәрігерлік институтына түсіп, алғашқы жаттығуларын осында бастаған. 6 жыл осы қалада тұрып, отбасылы болды. Айта кетейік, бір ғасырдан артық тарихы бар
бұл мұражайға кезінде хакім Абай да өз заттарын сыйға тартқан.
«Осы жерден өсіп-өніп, үлкен шыңға шыққаныма, Олимпиада деңгейінің алтын медалін алуға киелі жерден шығып, соншама атақты жерге жеткеніме мен мың да бір рақмет айтамын! Бүгінгі менің тапсырып отырған медальдарымның барлығы да осы жерге, кейінгі ұрпаққа үлгі болса, осындай біз сияқты әлемнің, Олимпиаданың чемпионы шығып, қазақ елінің кім екенін дүниежүзіне танытса, одан артық бақыт жоқ!», – дейді Олимпиада чемпионы Жақсылық Үшкемпіров.