Задание - Мәтін бойынша кестені толтырыңыз. Кейіпкердің мінез-сипатын, іс-әрекетін анықтаңыз. Текст - Екі күннен бері орта бойлы, төртбақ денелі, қалың қабақты, қарасұр жігіт торы атпен желдіртіп келеді. Бес қаруын түгел асынған. Қызылқұмның жұмақ көркіне қызыға көз тастап келе жатқан жасы әлі жиырмаға тола қоймаған жігіттің кеудесіндегі елдің тірлігі де үнемі осындай мамыражай кеше берсе ғой деген арман ұлғая түсті.
«Тіршілік неткен тұрлаусыз еді! - деген ой келді оның қиялына. – Айналаны көріктендіріп тұрған мына раң, қызғалдақтар құралайдың салқыны өткен соң күнге күйіп, желге ұшарын білмейді-ау! Адамдар солай, тайталасып өтеді. Күреспесең, ғұмырың қамшының сабындай қысқа. Тосыннан келген дүлей күш сындырып кеткенін байқамай да қаласың...»
Болатын бала он төртінде бас болар. Кеудеде жолбарыс жүрек соғып тұрған кезде ер жігіт үйінде бұғып жата алмас. Сыр бойындағы қалың елдің қамын жеп, жас күнінен атқа қонып, ақ найза ұстады. Он жетіге толар-толмас кезінде айрандай ұйып отырған елге оңтүстіктегі ала шапандылардың әскері киліге кіріп, ойран салды. Жекпе-жекте бас батырына найза қадап, аттан аударды. Ел тізгінін ұстағандар екі тарапқа жалтаңдап ашырқаған халқын тойдырудың орнына, алқымын толтыруымен әлек. Жағдай бұлай жалғаса берсе, тұлымды ұл-құлға, бұрымды қыз-күңге айналарын сезген бұл жігіт араздасқан ағайынды жарастырып, елді біріктіруімен әуре. Арал, Сырдың кейбір салаларына бөген құрып, егіншілікпен айналысуға үндеді.
Егіншілікті үйретудегі мақсат – шашыраңқы елді жинау. Біріккен жұртты жау жеңе алмайды. Мұны түсінгендер Сырды сағалағанымен, малына малданып, қырды жағалап кететіндер де бар. Қай-қайсы да басына іс түскенде әскері бар болғандықтан бұған келеді. Оның самсаған қалың қолы бар, жүздеген жігітті машықтандырып, жау шапса, лап қоюға дайындап қойған. Таса жердегі әскери жаттығуларда шыңдалған жігіттер былайғы кезде өз тірлігімен айналыса береді.

«Еліміздегі туризмді қалай дамытуға болады?» тақырыбына диалог құрастыру.

Тілші: Сәлеметсіздер ме, құрметті телекөрермендер! Назарларыңызға еліміздегі «Қазақ туризм» ұлттық компаниясының төрағасы Серік Амантайұлымен «Еліміздегі туризмді қалай дамытуға болады» деген сұхбатымызды ұсынамыз.

Құрметті, Серік Амантайұлы, Елбасы Нұрсұлтан Назарбаев өзінің «100 нақты қадам» Ұлт жоспарында да еліміздің туристік ахуалына ерекше назар аударған болатын. Соңғы жылдары ел үкіметі туризм саласын дамытуға негізделген мақсаттарды айқындап, әсіресе, бәсекеге қабілетті 30 елдің қатарына қосылу страгетиясы бойынша нақты міндеттемелер жүктеп отыр. Сіздің ойыңызша, еліміздегі туризмді дамыту үшін қандай іс – шараларды қолға алу керек?

Серік Амантайұлы: Менің ойымша, алдымен визасыз режим тізіміндегі елдер тізімін арттыру қажет. 2019 жылдың қыркүйек айында Қазақстанға азаматтары визасыз кіре алатын мемлекеттердің тізімі 12 елмен толыққан еді. Бұған дейін елімізде 30 күнге дейін 45 мемлекеттің азаматтары визасыз жүре алатын.

Тілші: Демек, туристерге ашық, қолайлы мемлекеттің бар екенін барлық жерде насихаттау қажет.

Серік Амантайұлы: Ия, дұрыс айтасыз. Еліміздің туристік әлеуетін арттыру мақсатында «Қазақ туризм» компаниясы құрылған болатын. Біздің басты міндеттеріміз – шетелде Қазақстанды насихаттау және туризм саласына инвестиция тарту.

Тілші: Халық¬аралық сарапшылардың пікіріне сүйенсек,  қазіргі кезде туризм әлемдік экономикадағы қарқыны төмендемейтін саланың біріне жатады.  Жалпы, еліміздегі туризмнің жағдайы мен болашағы туралы не айтасыз?

Серік Амантайұлы: Туризм соңғы жылдары ең табысты бизнестің біріне айналып отыр. Қазақстан аумағында өткізілген ЭКСПО 2017 халықаралық көрмесі туризм саласын дамытуға зор үлес қосты. Еліміздің бірегей мәдениеті мен табиғаты, ұлттық тағамдары мен сусындары – осының бәрін туристтерге еасихаттауымыз керек.

Тілші: Серік Амантайұлы, сұхбатыңызға үлкен рахмет!

Алып Ер Тоңға - түркі халықтарының арғы ата-тегі саналатын сақтар тарихынан сыр шертетін қаһармандық жыр. Біздің заманымызға “Алып ер тоңға” дастанының жалпы сюжеттік желісі мен жекелеген үзінділері ғана жеткен. 

Дастанның басты қаһарманы Алып Ер Тоңға - аты аңызға айналған тарихи тұлға. Ол - біздің заманымыздан бұрынғы VII ғасырда өмір сүрген Тұран елінің әміршісі. көреген көсемі, сақтар әскерінің қолбасшысы, ержүрек батыры, "Алып" - сақтармен ғұндар заманынан бері ел қорғаған батырлардың қолбасшы ерлердің атына қосылып айтылып келе жатқан мәртебелі есім.