Мәтінді мәнерлеп оқып, төмендегі тапсыраларды орындаңдар. Дүниедегі ең ұлы сезімдердің бірі – достық. Әр адам дүниеге келгеннен кейін, ес білгеннен-ақ жан дүниесіндегі сырын, мұң-шерін тарқатып, қуанышы мен қайғысын бөлісетін дос іздейді. Қандай да бір қиындыққа тап болсаң, оны досыңмен бөлісіп, досыңның ақылын тыңдап, шешім таба аласың. Менің ойымша, жақсы да адал дос болу үшін, ең алдымен, адамды тыңдай білу, ақыл бере білу қабілеті жоғары болуы тиіс. Достық, ең алдымен, адамдардың бір-біріне сенуінен басталады. Сенім артқан сайын, достық та беки түседі. Ал бір-біріне сенімі жоқ, дегенмен өздерін дос санайтындар да бар, ол – жалған достық, бірде бар, бірде жоқ. «Достық» туралы нақты ой айтқан философ А.Шопенгауэр өзінің «Өмірлік данышпандықтың афоризмдері» деген еңбегінде: «Нағыз шынайы достық адамдардың бір-бірімен терең, таза және адал қарым- қатынасын қажет етеді. Бұл дегеніміз – досыңыздың қайғысы мен қуанышына ортақтаса білу деген сөз. Осының бәрі адамның табиғи өзімшілдік, өркөкіректік қасиеттерін жояды» деген. Халықта «Алтын берген – дос емес, ақыл берген – дос» деген мақал бар. Достық – өмірдегі еш нәрсемен бағаланбайтын құндылық.
а) Мәтін бойынша «Жуан», «Жіңішке» сұрақтар құрастырыңдар.
ә) Төменде бкрілген тірек сөздерді пайдаланып сөйлемдер құрастырыңдар. Тірек сөздер: нағыз дос, сырласу, серік, сенімді, қорғау, өзің, сатқындық, жақсылық, дос табу.
