4-тапсырма. Мәтінде қандай жоба туралы айтылған? Мәтінде көтерілген мәселені шынайы өмірмен байланыстырыңдар.
Қазақ тілін үйрететін мобильді қосымша жасаған екі дос
Қазіргі таңда IT технологиясын еркін меңгерген білімді,
жасампаз оқушыларды қолдау мақсатында «Infomatrix жобасы»
атты халықаралық жарыс өткізілді. Бұл халықаралық жоба 4
секциядан тұрады: Programming, Computer art, Hardware control,
Robotics. Онда барлығы 10 мемлекеттен 50-ге тарта жоба қатысқан.
Ал жалпы саны 4 секция бойынша 272 жобамен 500-ге жуық
оқушы сайысқа түскен. Павлодардағы «Білім-инновация» лицейінін,
шәкірттері Шыңғыс Рахат пен Абдулғафар Берсүгір осы жобада
өздерінің бақтарын сынап, үшінші орынға ие болды. Олар қазақ
тілін үйрететін мобильді қосымша жасап шығарды. Ол үшін қазақ
тілінің заңдылығын жазған ғалымдардың еңбектерін көмекші
құрал ретінде қолданған. Ана тілімізді жаңадан үйреніп жатқан
адамдар үшін қазақ тілінің ережелерін, заңдылығын бірден игеріп
кету қиынға соғады. Бұл мобильді қосымшаға деңгейлік кезендер
бойынша тапсырмалар мен көмекші сөздер енгізілген. Сондай-ақ,
қалыптасқан ауызекі сөйлеу тілінің бірнеше баламасы ұсынылған.​

Наурыз мейрамы — ежелгі заманнан қалыптасқан жыл бастау мейрамы. Қазіргі күнтізбе бойынша (наурыздың 22) күн мен түннің теңесуі кезіне келеді.Көне парсы тілінде нава=жаңа + рәзаңһ=күн, «жаңа күн» мағынасында, қазіргі парсы тілінде де сол мағынамен қалған (но=жаңа + роуз=күн; мағынасы «жаңа күн»), яғни «жаңа жылды» (күн өсуін белгілеуі) білдіреді.

2010 жылдың 10 мамырынан бастап Біріккен Ұлттар Ұйымының Бас ассамблеясының 64-қарарына сәйкес 21 наурыз "Халықаралық Наурыз күні" болып аталып келеді.[1] Бас ассамблея өзінің берген түсініктемесінде "Наурызды көктем мерекесі ретінде 3000 жылдан бері Балқан түбегінде, Қара теңіз аймағында, Кавказда, Орта Азияда және Таяу Шығыста 300 миллион адам тойлап келе жатқандығын" мәлімдеді. Ал UNESCO болса, 2009 жылдың 30 қыркүйегінде Наурыз мейрамын адамзаттың материалдық емес мәдени мұра тізіміне кіргізді.

Газет – мерзімді, уақытша не бір рет қана шығатын басылым. Ежелгі Шығыс қалаларында көпшілік орындарға ілінетін хан жарлықтарынан бастау алады. 16 ғасырда Венецияда «жаңалық жазушылар орталығы» құрылып, арнаулы ақпараттарын «газета» (италияша gazzetta – базар нарқы туралы ақпарат сатып алуға арналған ұсақ ақша) деп аталатын тиынға сатты. 1631 ж. француздық «La gazzette» мерзімді басылымының шығуына байланысты «газета» термині осы заманғы мағынасына ие болды. Қазақ тіліндегі тұңғыш басылымдар «Түркістан уәлаятының газеті» (1870 – 82) мен «Дала уәлаятының газеті» (1888 – 1902). 20 ғасырдың басында қазақ зиялылары ұлттық мүддені көздеп, бұқаралық сананы оятуға ұмтылған «Қазақ» газеті (1906), «Серке» (1907) басылымдарын шығаруды қолға алды. Қазіргі кезде қазақ тілінде 100-ге тарта газеттер шығарылады ("Егемен Қазақстан", "Жас Алаш", "Қазақ әдебиеті", "Ана тілі", "Алматы ақшамы" т.б). Олар шартты түрде: ресми, тәуелсіз, партиялық, т.б., сондай-ақ орталық (республикалық), облыстық, қалалық, аудандық газеттерге бөлінеді. Газеттің шығармашылық-шаруашылық жұмыстарына бас редактор басшылық жасайды.[1]