Менің туған жерім Солтүстік Қазақстан облысы Петропавл қаласы. Бұл өлке Қазақстанның солтүстігінде орналасқан. Менің өлкемді "Ақ қайыңдар өлкесі" деп те атайды. Себебі көп жерде ақ қайыңдар өседі. Мен өз туған жерімді жақсы көремін. Өйткені мен бұл жерде тудым, менің ата-анам, достарым осы жерде тұрады. Менің туған жеріме көптеген жерлес ақын-жазушылар көркем шығарма арнаған. Мысалы Мағжан Жұмабаев, Сәбит Мұқанов, Ғабит Мүсірепов. Мағжан Жұмабаев "Туған жер" өлеңінде туған жеріне деген махаббатын суреттейді.
Шындығында, атқан таңды, шыққан күнді көру бақытына ие болған азамат, соған қаншалықты шүкіршілік етсе, Тәуелсіздікке де соншалықты тәу етіп, соншалықты шүкіршілік етуіміз керек. Өйткені, қазақтың басынан өткен қасаң тағдырлар да тәуелсіздікке ешбір дүниенің жетпейтінін көрсетіп кетті. Академик ағамыз айтпақшы: Өмірге адам болып келген соң, сол өміріңді бодандықпен өткізу, құл болу, тәуелді болу деген дүниедегі ең сорақы нәрсе, ондай адам өзіне сенімсіз болып ұдайы: Біреу не айтады екен?... деумен күні өтеді. Ендеше, Тәуелсіз Қазақстанның қалыптасқан шағын көзбен көріп, сол қалыптасқан елде егемен тірлік кешіп отырған біздің буын - нағыз бақытты ұрпақ. Біздің толқынның маңдайына Тәуелсіз елдің азаматы болу жазылыпты. Әлбетте, бұл -үлкен бақыт қана емес, зор жауапкершілік.
