Спорт түрлері.
Спорт түрлерін атау үшін алдымен спорт дегеніміз не? деген сұраққа жауап беріп көрейік. Сөздікке сүйенер болсақ, «спорт - белгілі ережелер немесе дәстүрлерге сай көбінесе жарыс күйінде өтетін әрекет». Жалпы, спорт физикалық қозғалыс пен іс – әрекетті талап етеді. Адамдар түрлі спорт түрлерімен әр түрлі мақсатта айналсыады: біреулері денсаулығын нығайту үшін, енді кейбіреулері өзін – өзі дамыту үшін, ал басқалары моральді қанағаттану үшін.
Енді спорт түрлеріне тоқтала кететін болсақ, менің ойымша, оларды екі үлкен топқа бөлуге болады: қысқы спорт түрлері және жазғы спорт түрлері. Атынан белгілі болып тұрғандай, айналысатын маусымына байланысты бөлінеді. Қысқы спорт түрлеріне: биатлон,трамплиннен секіру, бобслей, скелетон, конькимен жүгіру, мәнерлеп сырғанау, шайбалы хоккей, допты хоккей, шаңғы жарысы, шаңғымен тұғырдан секіру, тау шаңғысы, фристайл, шорт – трек, биатлон т.б. жатады. Қыстан басқа мезгілде спортшылар спорт залда жаттығып, ал үлкен жарыстарға дайындық үшін арнайы салқын жаққа жол жүреді.
Ал жазғы спорт түрлері қысқы спорт түрлерімен салыстырғанда едәуір көп: жүзу (түр - түрімен), футбол, баскетбол, воллейбол, бокс, карате, таеквондо, жеңіл атлетика, қол добы, академиялық есу, бадминтон, күрес, велоспорт, су добы, спорттық гимнастика, көркем гимнастика, дзюдо, ат спорты, үстел теннисі, желкенді спорт,суға секіру, қазіргі бессайыс, нысана көздеу, садақтан ату, теннис, триатлон, ауыр атлетика, семсерлесу, көгалдағы хоккей т.б.
Спорттың қай түрі болмасын, барлығы да денсаулыққа пайдалы екенін ұмытпайық. Ал сіз қай спорт түрімен шұғылданасыз?
Қазақстан Республикасында өте көп мықты да салмақты спортшылар бар. Олар бүкіл әлем бойынша әйгілі. Солардың ішіндегі ең сүйікті және мақтан тұтатын спортшым, ол – Геннадий Головкин. Ол Қазақстан Республикасының намысын бірталай қорғаған танымал боксшы. Ол көптеген жүлделерге ие. Ол жас болса да, халықаралық турнирлер мен Олимпиада ойындарының жүлдегері. Мен оны бокс спортының орташа салмағының чемпионы және шебері деп білемін. Біздің бар спортшыларымыз дәл Геннадийдей болса екен деп армандаймын.
