- Мұхтар Мағауин кім?
- Мұхтар Мұқанұлы Мағауин — тарихшы, жазушы, қазақтың ауыз әдебиетін зерттеушісі ғалым.
- Ол кісі қай жылы туған?
- Мұхтар Мағауин 1940 жылдың 2 ақпанында Шығыс Қазақстан облысы, Аягөз ауданы, Баршатас ауылында дүниеге келген.
- Қай университетті бітірген?
- 1962 жылы Қазақ мемлекеттік университетінің филология факультетін, 1965 жылы оның аспирантурасын бітірген.
- Жазушының қандай атақтары бар?
- Филология ғылымдарының докторы, Мемлекет сыйлығының лауреаты , Қазақстанның халық жазушысы.
Менің сүйікті қойылымым.
Менің көктемгі мектептегі демалысымды пайдаланып, сенбі – жексенбі күндерінде Астанаға жол тартып келдік. Ондағы себеп – біраз қыдырып, сол жақтағы туған – туыстарды аралап қайту еді. Сонымен қатар, осы жолы Астанаға Мұхтар Әуезов атындағы Қазақ мемлекеттік академиялық драма театры гастрольмен келген екен. Аталмыш театр репертуарынан Исраил Сапарбайдың «Сыған серенадасы» атты мюзиклына отбасымызбен баруды үйғардық. Себебі бұл - театр сахнасындағы шоқтығы биік туындылардың бірі. Оның өресі кең, құпиясы ашылмаған. Вальс королі әйгілі Шәмші рухына бағышталған бұл туынды сазгердің тағдырын бейнелейді. Әйгілі Шәмші Қалдаяқовтың жүрек шымырлатар, сезім серпілтер құдіретті әндері әрбір қазақтың аузында. Ән махаббаты Шәмші тағдырын тоқайластырған Исраил Сапарбайдың Сыған серенадасы атты поэтикалық драмасы сахнада осы тұрғыда сыр шертті. Әуенге толы драма әсерге де толы болды. Қойылымда Шәмші мен сыған қызы Изольда арасындағы махаббаттан дүниеге «Сыған серенадасы» әні келді. Спектакль әйгілі композитордың әндерінің сүйемелдеуімен өтті.
Бұл менің алғаш театрға баруым болды. Қойылым барлығымыздың көңілімізден шығып, ұмытылмас әсер қалдырды. Әзірге бұл менің сүйікті қойылымым деп сеніммен айта аламын. Бұл нәзік сезім мен кіршіксіз махаббаттың жемісі болды.
