Арман, арман, армандайтын адам жоқ шығар сірә... Армандау да әр адам алдына белгілі бір мақсат қойып немесе жоспар құру керек деп ойлаймын. Міне менде сол арманыма жету үшін алдыма үлкен бір мақсат қойып отырмын. Мақсаттарыма тоқтала кететін болсам:
Ең бірінші мақсатым ол әрине менің оқуға түсеріме бірден-бір жол ҰБТ. Сол ҰБТ-дан өзім ойлаған ұпайды жинап, ата-анамның үмітін ақтау. Содан соң өзім армандаған Темірбек Жүргенов атындағы академиясына актриса мамандығына тапсыру. Өнер академиясын бітіргеннен кейін, әрине, кино әлеміне аяқ басу. Түрлі қазақтың киноларына түсу. Осы мақсаттарды қойып отырған себебім өзім өнер әлеміне жақын болғандықтан, өзім осы мамандықты жүрегіммен қалағандым. Әкешімнің орындалмай қалған асқақ арманын орындау үшін алдыма осындай мақсат қойып отырмын. Сол мақсатқа қол жеткізу үшін біз өзімізге толық сенуіміз керек. Әрқашанда ізденіс үстінде болуымыз тиіс. "Көпті көргеннен емес, көпті білгеннен сұра" демекші әрдайым көпті білген кісіден сұрап үлгі алып жүрейік. Сол мақсаттарға жетуде ұмтылайық. Арманымыз ешқашанда аяқ асты қалмасын. Құр сөз болып қалмасын. Осы сөздердің мағынасын терең ұғынуға түрткі болған жетекшім — Нұрбол Нұрмаханұлына және де " Парасат" тобына алғысым шексіз! Яғни, жекелей жұмыс жалғыз адамдық жұмыс .Ал топтық ол бірнеше адамның бірлесіп жұмыс істеуі. Мен үшін тобымның жеңісі әрдайым бірінші орында. Тобым үшін аянып қалмаспын.
Байқауға қатысудағы мақсатым арманыма біртабан жақындау және де жаз айын қызықты өткізу.Осы байқау арқылы достар тауып,пікір алмасу.Бұл байқаудың маған берері мол екеніне сенімдімін.Массагет сайты арқылы мен арман,мақсаттарыма қол жеткізе аламын деп ойлаймын.Менің осы байқаудан үйренерім мол.Бұл байқаудағы алдыға қойған мақсаттарым міне осындай. Парасат тобы Тек Алға дегім келеді. Жеңіс біздің қолда.
Дәрігер болғым келеді.
Елбасымыз Нұрсұлтан Әбішұлы Назарбаев: “Жарқын болашақ жастардың қолында” дегендей, біздің болашағымыз өз қолымызда.
Мені өскенде кім боламын, қандай мамандықты таңдаймын деп ойланамын. Мамандық таңдау өміріңнің бір кірпішін дұрыс қалау деп түсінемін. Өзің айналысқың келетін жұмысты таңдау ғана емес, өзің араласқың келетін ортаны да таңдау деген сөз. Өмірде адам мамандық таңдағанда қателеспеу керек. Өмірден өз орнымызды тауып, адал еңбек ету әр адамның арманы деп ойлаймын. Әрине, әр адамның да таңдауы әр түрлі.
Мамандық таңдау өте жауапкершілікті және маңызды іс. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Қазіргі таңда мамандықтың түрі көп. Таңдау жасау оңай емес. Ең бастысы адам еңбекке қабілетті, зейінді болуы қажет және оның мамандығы өзі өскен ортаға маңызды, бағалы үлес қосатындай болуы шарт.
Менің арманым дәрігер болу. Дәрігер болуды жаным сүйеді. Дәрігер ол өзінің адамдарға берген шипасы, адамды сауықтырып, адамдарды өмір сүруге күш салатын жандар!
Дәрігерлерді халқымыз әдетте "ақ халатты абзал жандар" деп атайды. Себебі олар науқастарды емдеп, олардың жандарына араша түседі. Науқастардың жазылып кетуіне бар білімін, күш - жігерін жұмсап, аянбай еңбек етеді. Дәрігер болу үлкен жауапкершілікті талап етеді. Өйткені ол кісілер қашан болмасын көмекке келуге әзір болу керек. Бұл кісілер тынымсыз еңбек етеді.
Дәрігер болу үшін асқан шыдамдылық та керек, өйткені дәрігер болу үшін ұзақ жылдар ізденіп, оқу керек. Бірақ соңында емдеген адамың жазылып кетсе, одан асқан қуаныш пен бақыт жоқ деп ойлаймын. Бұл деген сенің еңбегіңнің бағаланғаны.
Дәрігер болу үшін өз жұмысыңа салғырт қарамай, тиянақты болу керек. Себебі адам өмірі мен денсаулығына қауіп төнуі мүмкін.
Болашақ мамандығымды дұрыс таңдадым деп нық сенемін.
