Қызылорда облысы, Қармақшы ауданы
Қармақшы аудандық оқушылар үйі
«Жас натуралист» үйірмесінің мүшесі
Берікбаева Жансая Ерболқызы
Жетекшісі: Сматова Мархабат Қанибекқызы
Туған жер дегеніміз – әркімнің өзінің туып өскен елі, жері, мекені. Әркім өз елін өзінің алтын мекеніне теңейді. Туған жер әркімге ыстық болып келеді. Мен өз туған жерімді жанымнан артық жақсы көремін. Менің туған жерім – Қызылорда облысы, Қармақшы ауданы, Жосалы кенті. Қармақшы ауданының табиғаты әсем, әдемі, көрікті. Менің туған жерімнің табиғатына қызықпайтын адам жоқ десе де болады, әсіресе алуан түрлі гүлдері жайқалып көздің жауын аларлық. Менің туған жерімде көптеген мектептер, балабақшалар және қызығатын, бос уақытымыз тиімді өтетін оқушылар үйі бар. Қармақшы ауданының тұрғындары бір–бірімен тату–тәтті өмір сүреді. Жалпы Қармақшы ауданы емес, Қазақ елі тату – тәтті, ұйымшыл, заманымыз тыныш. Соған барлығымыз қуанамыз. Қазақстан жерінде он төрт облыс бар, оның ішінде қаншама ауыл, аудандарда жетерлік. Біздің аудан қанша кіші болғанымен, қаншама тұрғыны бар. Ол тұрғындардың барлығы өз елін, туып өскен жерін жақсы көреді. Менің туған жерімнің табиғаты әсем, топырағы құнарлы, шөбі шүйгін. Мен туған жерімді мақтан тұтамын. Біздің Қазақ елін, жерін қаншама жыл бұрын ата-бабаларымыз ақ найзаның ұшымен, ақ білектің күшімен қорғаған. Аянбай күресіп, қазақ жерін аман алып қалған. Батырларымыз ел үшін, жер үшін аянбай еңбек етіп күрескен. Біз солардың еңбегін ақтап елімізге, жерімізге аяушылықпен қарап, күтіп баптауымыз керек! Маған өз туған жерімнің күні де ыстық, түні де ыстық...
А тумысынан жақсылыққа да жамандыққа да бейім жаратылған. Бұл екеуі бір-бірімен астасып жатқан қасиеттер. Жаратушы Ие осы арқылы адамды тепе-теңдікте ұстап, оны қай жаққа да бейімділікте жаратқан. «Әрбір сәби әу баста мұсылмандық сипатпен дүниеге келеді, кейіннен оны ата-анасы яхуди, христиан немесе мәжуси етеді» деген хадис мұның дәлелі. Демек, әрбір сәби дүниеге алғаш келгенде мұсылмандыққа жақындық танытқанмен, кейін өскен ортасы оны өзіне бейімдетіп кетуі мүмкін.
Адамдағы сана-сезім мен қарым-қабілеттер әр алуан. Жаратушы Аллаһ тағала адам бойына осыншалық қабілеттерді белгілі бір өлшеммен тиянақтап орналастырған. Негізгі мәселе, жаратылыстан бар осы қабілеттерді дұрыс ұштап, тәрбиелей білуде. Мәселен, әр адамның бойында өзін-өзі басқару қабілеті бар, осы қабілетін шыңдай білген адам барша тіршілік иелерінен басып озып, тіпті періштелерді де артта қалдырады. Сондай-ақ адамда Ақыл деген бар. Оны тура қолданған адам материалдық әлемнің тысындағы ғайып әлеміндегі тылсым дүниелерді көріп, ғайыптан сыр аулайтын қасиетке қол жеткізеді. Бұған қоса, адамға «мааш ақыл» деп аталатын осы дүниені терең сезінуге, түйсінуге мүмкіндік беретін ақыл да берілген.
Адам бойында сондай-ақ тәнқұмарлық, ашу, қырсықтық, ерегісу, қызғаныш сынды қисық мінездер де бар. Мәселе осы мінездерді өз ықтиярыңа бағындырып, дұрыс тәрбиелей білуде. Кез келген адам ар-ұжданды құрайтын – ақыл-қайрат, сезім, сияқты қасиеттерін жетілдіре білсе шын адам болуға талпынып, әлемнің түпкі мазмұнын түсінеді. Таным көкжиегін барынша тереңдете алған адам ғана нәпсісіне, мансапқұмарлыққа, атаққұмарлыққа жеңілмей, үлкен күнәлардан аулақ тұрады. Сондай-ақ ол қызғанышқа барып, амалдарының сауабын зая етпейді және қырсықтықтан арылып, уақытын текке кетіруден сақтанады.
Яғни әр пенде адам болам десе осылардың ішіндегі жаман қасиеттерді бойынан аулақ ұстап,жақсы қасиеттерді жанына жинай білу керек.
