Судың да сұрауы бар.
Су – тіршілік көзі. Дана халқымыз «Судың да сұрауы бар» деп бекер айтпаған. Себебі, тамақсыз бірнеше күн өмір сүре алсақ, сусыз тіршілік жоқ. Тіпті, адам денесінің 2/3 бөлігі судан тұрады. Тіпті алғашқы тіршілік те судан басталған. Жер бетінде су - ең кең таралған зат.
Су күнделікті шөлімізді ғана қандырып қоймай, сонымен қатар суда жүзіп, жаттығу жасаған ағзамызда едәуір пайдалы. Мысалы, суда жаттығу жасау тек жүректі нығайтып қана қоймай, бүкіл ағзаға да жағымды әсер етеді екен. Жалпы су жаттығулары барлық қан - тамырлар жүйесін нығайтуға оң әсерін тигізеді.
Ал біз күнделікті судың қадірін біле бермейтініміз - шындық. Сарқырап су ағып тұрған соң бір тамшы суға зар болған жандарды түсіне бермейміз. Қазіргі кезде өнеркәсіпте көп қажеттіліктерге суды пайдаланғаннан, өндіріс қалдықтары суды ластауда. Сондықтан күн өткен сайын ішуге жарамды таза су азайып барады. Бұл ретте біз қолымыздан келгенше суды үнемдеп, оның басты құндылық екенін естен шығармауымыз керек.
Мектептегі ақындар айтысы.
Мектебімізде жас ақындар арасында жыр мүшайрасы болып өтті.Әр сынып өз ақындарын шығарып,оларды қол шапалақпен,аттары жазылған плакаттарын көтеріп,қолдап отырды.Әсіресе 1-2сыныптың кішкене ақындарының айтысы өте көңілді өтті.Мүшайраға жюри ретінде айтыс ақындары Айнұр Тұрсынбаева,Балғынбек Имашев шақырылды.Мүшайра соңында жеңімпаздарға бағалы сыйлықтар тапсырылды.Бас жүлде иегері жеңімпаз Мейірбек Сейілұлына,ақын Балғынбек Имашев қазақ домбырасын сыйға тартты.Мектептегі ақындар айтысы өте қызықты өтті.Оқушылар айтыс ақындарымен танысып,ұлттық құндылықтарымыздың бірі - айтыс өнерін тамашалады.
Мектеп оқушылар алқасы.
