1-2 қаңтар - Қазақстан Республикасында Жаңа жыл мерекесі 2013 жылғы 1 қаңтар 10:00Бөлісіңіз: АСТАНА. 1 қаңтар. ҚазАқпарат - Жаңа жылды атап өту дәстүрі біздің дәуірімізге дейінгі үшінші мыңжылдықта Месопотамиде пайда болған. Деректерге сүйенсек, жылдың 1 қаңтардан басталуы б.д. дейінгі 46 жылы рим басшысы Юлий Цезарьмен белгіленген. Ежелгі Римде бұл күн таңдаулар, есіктер және барлық бастаулардың құдайы - Янустың құрметіне арналған. Көптеген елдер Жаңа жылды 1 қаңтар күні, григориан күнтізбесі бойынша жылдың бірінші күнінде атап өтеді. Сағат белдеуіне байланысты Жаңажылдық мерекелер алғашқы болып Тынық Мұхитында Кирибати аралдарында басталады. Ал ескі жылды ең соңғы болып Тынық мұхитындағы Мидуэй аралы шығарып салады. Қазақстанда Жаңа жыл мерекесі 1-2 қаңтарда атап өтіледі және олар демалыс күндері болып табылады. Жаңа жыл Қазақстандағы ең танымал мерекелердің бірі. Оны қарсы алу шаралары 31 желтоқсанның кешінен басталады. Жаңа жыл қарсаңында дәстүр бойынша ел Президенті халыққа құттықтауын жолдайды.
Барлық құқықтар қорғалған. inform.kz белсенді сілтемені пайдаланыңыз https://www.inform.kz/kz/1-2-kantar-kazakstan-respublikasynda-zhana-zhyl-merekesi_a2523244
Объяснение:
еслит не правильно не обижайтесь
Менің сүйікті тағамым
«Ас адамның арқауы» демекші, дәмді тағам ішкенді бәрі де ұнатады. Бірақ әркімнің сүйсініп жейтін тағамдары болады. Мысалға, мен ет тағамдарын жақсы көремін, әсіресе, ұлттық тағамымыз етті сүйсініп жеймін. Анам мерекелік күндер мен туған күндерге үнемі ет асып, үлкен дастарқан жаяды, бұл біздің отбасылық дәстүріміз десем де болады. Әдетте, қамырды анам қолдан жайып, сорпаға етпен бірге картоп пен сәбіз салып пісіреді. Ал тұздығына пияз бен сәбіз қосып дайындаған ұнайды.
Дегенмен ет асып, табақ тартқанның да ежелден келе жатқан өзіндік мән – мағынасы бар, соған тоқтала кетсем.
Ет - халқымыздың аса қадірлі қонаққа ұсынылатын кәделі тағамы. Сыйлы қонақтарға қойдың басын немесе ірі қараның шекесін, табақ - табақ ет тартады. Әр адамның жасы мен дәрежесіне сай түрлі мүшелер тартылады. Осыған орай табақ тарту – бас табақ, сый табақ, күйеу табақ, келін табағы, жастар табағы, жай табақ болып бөлінеді. Осы табақтарға сай ет (сүйек) мүшелері болады. Ол мүшелерді ауыстыруға болмайды. Бас табаққа бас, жамбас, омыртқа, қазы, қарта, жал, жая сияқты кәделі мүшелер салынады. Іліктік қатынасқа қарай: қарттарға жамбас, орта жастағыларға ортан жілік, омыртқа, күйеу мен қыздарға асықты жілік, төс, тағы сол сияқты рет-ретімен беріледі. Мойын омыртқа, тоқпан жілік, ірі малдың жамбасының шұқыршағы, жауырын, сирақ қонақтарға тартылмайды.
Ет тағамдарына сонымен қатар қуырдақ, сірне, жаубүйрек, борша, қарын бөртпе, әсіп, жөргем, қимай, ми палау жатады.
Ал соғым сойылып жатқан кезде дайындалатын қуырдақтың дәмін айтсаңызшы, тіл үйіреді...
