Lazarus-та жоба жасау екі кезеңнен тұрады: жобаның сыртқы пішінін жасау және программалық кодын жазудан тұрады. Жобаның интерфейсін жасауға жоба пішінінің терезесі мен программа кодын жазу редакторын өзара тығыз байланыста қолданамыз. Жоба пішінінің терезесіне жаңа компоненттерді енгізсек, программа кодының құрылымыда автоматты түрде өзгереді. Алғашқы жобаны дайындауды бастайық.
Жоба дайындау төмендегі кезеңдерден тұрады:
1. Пуск – Программы – Lazarus командасын орындап, программа ерезесін ашамыз.
Lazarus терезесі ашылғанда терезеде жоғарыда айтылған мәзір, компонент платформасы, объекттер инспекторы, жоба пішіні терезесі мен программа коды редакторының терезесі пайда болады.
2. Тінтуір арқылы мәзірдегі «Файл=>Создать форму» команда-сын таңдасақ, программа терезесінде «Жоба пішіні» және «Бастапқы код редакторының» терезесі пайда болады (5.5, 5.6-суреттер).
3. «Объекттер инспекторы (Инспектор объектов) => Қасиет (Свойства) => Caption (тақырып)» командаларын таңдап, оған «Жоба пішіні» деп жазып, жобаның тақырыбын өзгертеміз (5.8-сурет).
5.8-сурет. Жоба пішінінің тақырыбын өзгерту
4. «Жоба пішініне» батырма қосу үшін компонент платформасынан «Button1» батырмасын таңдаймыз (5.9-сурет).
5.9-сурет. Пішінге «Button1» батырмасын енгізу
