Орта Азия мен Қазақстан өздерінің көп ғасырлық тарихында адамзат қоғамының ғылыми және мәдени өміріне елеулі үлес қосты. Осы күнгі Орта Азия мен Қазақстан жерлерін мекендеген тәжіктер мен өзбектердің, қазақтар мен қырғыздардың, түрікмендер мен қарақалпақтардың, ұйғырлар мен дұңғандардың арғы ата-бабалары бір кезде мәдениетті адамдар болған. Көркемдік мәні зор көптеген материалдық заттар жасаған. Олардың арасынан ондаған ірі ғалымдар шығып, көптеген ғылыми жаңалықтар ашқан.
